Almatyda jürgızuşı velosipedtegı zeinetkerdı qaǧyp kettı (VİDEO)

Almaty oblysynyŋ polisiiasy velosipedtegı zeinetkerdı qaǧyp ketken jürgızuşını ūstady, dep habarlaidy «Adyrna» tılşısı Polisia.kz-ke sılteme jasap. 21 tamyzda saǧat 19:36 şamasynda Jambyl audandyq PB-ǧa Taran auylyna kıre berıste belgısız kölık velosipedşını basyp, oqiǧa ornynan qaşyp ketkenı turaly habarlama kelıp tüstı. Jol apaty saldarynan 81 jastaǧy er adam Jambyl audanynyŋ ortalyq audandyq auruhanasyna jetkızıldı. Keiın äleumettık jelılerde jol-kölık oqiǧasy bolǧan jerden kadrlar tarady. Izdestıru ıs-şaralary barysynda polisiia qyzmetkerlerı ZAZ Chance avtokölıgın basqarǧan Qarasai audanynyŋ 61 jastaǧy tūrǧynyn anyqtady. Qūqyq būzuşyǧa qatysty QR ÄQBtK-nıŋ 610-babynyŋ 2-bölıgı (Kölik qūraldary jürgizuşilerıniŋ jol jürısı qaǧidalaryn adamdardyŋ densaulyǧyna ziian keltiruge, kölik qūraldarynyŋ nemese özge de müliktiŋ bülınuıne alyp kelgen būzuşylyǧy), 611-babynyŋ 2-bölıgı (JKO ornyn qaldyru) jäne 608-babynyŋ 3-bölıgı (Jürgızuşınıŋ kölık qūralyn alkogoldık, esırtkılık jäne (nemese) uytqūmarlyq masaŋ küide basqaruy, sol siiaqty kölık qūralyn alkogoldık, esırtkılık jäne (nemese) uytqūmarlyq masaŋ küidegı adamnyŋ basqaruyna beru) boiynşa äkımşılık ıs qozǧaldy. Qazırgı uaqytta ūstalǧan azamat qamauǧa alyndy. Avtokölık aiyp tūraǧyna qoiyldy. Beinejazbany qarau üşın sıltemenı basyŋyz.