ەلباسى الماتىعا كوشىپ كەلەتىندەرگە جەر بەرۋگە تاپسىرما بەردى

ەلباسى الماتىعا كەلىپ، قالانىڭ باس جوسپارىمەن تانىستى. قالا كوشەلەرىن ارالاپ،  جۇردەك اۆتوبۋستارعا ارنالعان جولاقتار مەن جاياۋ جۇرگىنشىلەر جولى تانىستىرىلدى، دەپ حابارلايدى كتك ارناسىنىڭ سايتى. ەلباسىعا الدىمەن اباي مەن نازارباەۆ، تيميريازەۆ پەن جاندوسوۆ كوشەلەرى تانىستىرىلدى. تيميريازەۆ پەن جاندوسوۆ كوشەلەرىندە جاياۋ جۇرگىنشىلەر مەن ۆەلوجولاقتار سالىنىپ، جول تەگىستەلگەن. اۆتوبۋستارعا ارنالعان جولاق پايدا بولعان. نازارباەۆ بىرقاتار ءوندىرىس نىساندارىنا باس سۇعىپ، قىزمەتىن كوردى. وسى ورايدا جاپون-قازاق بىرلەسكەن زاۋىتىنىڭ جۇمىسىمەن تانىستى. زاۋىت تاۋلاردىڭ بەتكەيلەرىن نىعايتاتىن، ارنالار مەن بوگەتتەردى قالپىنا كەلتىرەتىن ونىمدەر شىعارادى. ەلباسى قالاداعى ەلەكترواۆتوبۋستارعا وتىرىپ كوردى. قالانىڭ باس جوسپارىمەن تانىسقان مەملەكەت باسشىسى قالا اكىمى باۋىرجان بايبەككە تاپسىرمالار بەردى. ء“بىز قالاساق تا، قالاماساق تا الماتىعا كەلىپ-كەتەتىندەر كوپ بولادى. مۇنداي حالىق ءنوپىرىنىڭ ءجۇرىپ-تۇرۋىنا جاعداي جاسالۋى قاجەت. قالانىڭ ىشىندە جەر جوق. مۇندا كوشىپ كەلەتىندەرگە ءۇي سالۋى ءۇشىن مۇمكىنشىلىك جاساۋ كەرەك. قالانىڭ باس جوسپارىن جاساعاندا كولىك، كوشە، جولاۋشىلار جولاعىنا دەيىن قاراستىرۋدى ۇمىتپاعان ءجون”،  دەيدى ەلباسى.