Elbasy Almatyǧa köşıp keletınderge jer beruge tapsyrma berdı

Elbasy Almatyǧa kelıp, qalanyŋ bas josparymen tanysty. Qala köşelerın aralap,  jürdek avtobustarǧa arnalǧan jolaqtar men jaiau jürgınşıler joly tanystyryldy, dep habarlaidy KTK arnasynyŋ saity. Elbasyǧa aldymen Abai men Nazarbaev, Timiriazev pen Jandosov köşelerı tanystyryldy. Timiriazev pen Jandosov köşelerınde jaiau jürgınşıler men velojolaqtar salynyp, jol tegıstelgen. Avtobustarǧa arnalǧan jolaq paida bolǧan. Nazarbaev bırqatar öndırıs nysandaryna bas sūǧyp, qyzmetın kördı. Osy oraida japon-qazaq bırlesken zauytynyŋ jūmysymen tanysty. Zauyt taulardyŋ betkeilerın nyǧaitatyn, arnalar men bögetterdı qalpyna keltıretın önımder şyǧarady. Elbasy qaladaǧy elektroavtobustarǧa otyryp kördı. Qalanyŋ bas josparymen tanysqan memleket basşysy qala äkımı Bauyrjan Baibekke tapsyrmalar berdı. “Bız qalasaq ta, qalamasaq ta Almatyǧa kelıp-ketetınder köp bolady. Mūndai halyq nöpırınıŋ jürıp-tūruyna jaǧdai jasaluy qajet. Qalanyŋ ışınde jer joq. Mūnda köşıp keletınderge üi saluy üşın mümkınşılık jasau kerek. Qalanyŋ bas josparyn jasaǧanda kölık, köşe, jolauşylar jolaǧyna deiın qarastyrudy ūmytpaǧan jön”,  deidı elbasy.