الماتى وبلىسىندا وتكەن پەدكونفەرەنتسيادا ءبىلىم بەرۋ ساپاسىنىڭ ماسەلەلەرى تالقىلاندى

3044
Adyrna.kz Telegram

جاڭا وقۋ جىلى قارساڭىندا الماتى وبلىسىندا «ءبىلىمدى ۇلت: بىلىمگە ۇمتىلۋ، ەڭبەكسۇيگىشتىك جانە پاتريوتيزم» تاقىرىبىندا پەداگوگ قىزمەتكەرلەرىنىڭ كەڭەسى ءوتتى.

جاڭا وبلىس ورتالىعىندا قوناەۆ قالاسىندا قازاقستان رەسپۋبليكاسىنىڭ ءبىلىم ءمينيسترى اسحات ايماعامبەتوۆ، الماتى وبلىسىنىڭ اكىمى مارات سۇلتانعازيەۆ، مەملەكەتتىك جانە جەكە ءبىلىم بەرۋ ۇيىمدارىنىڭ باسشىلارى، ورىنباسارلارى، بارلىق ساناتتاعى پەداگوگتار مەن ەڭبەك سىڭىرگەن پەداگوگتاردىڭ قاتىسۋىمەن پلەنارلىق وتىرىس ءوتتى.

جيىندا مارات ەلەۋسىزۇلى وبلىس بولىنگەننەن بەرگى اۋقىمدى ءىس-شارالاردىڭ بىرىنە اينالعان ءداستۇرلى تامىز كەڭەسى مەملەكەت قايراتكەرى دىنمۇحامەد احمەتۇلى قوناەۆتىڭ 110 جىلدىق مەرەيتويىمەن تۇسپا-تۇس كەلگەنىن اتاپ ءوتتى.

«جاڭا وقۋ جىلى قارساڭىندا وڭىردەگى ءبىلىم بەرۋدىڭ وزەكتى ماسەلەلەرىن تالقىلاۋ، بولاشاققا مىندەتتەر قويۋ يگى داستۇرگە اينالدى. ءبىلىم بەرۋ جۇيەسىن دامىتۋ جونىندەگى جۇمىس – مەملەكەتتىك ساياساتتىڭ باستى باسىمدىقتارىنىڭ ءبىرى ەكەنى ءسوزسىز، بۇل ەڭ سەنىمدى ءارى يگى ننۆەستيتسيالار. جاڭا وقۋ جىلىندا  وقۋشىلار سانى 13 مىڭعا وسەدى، ءبىرىنشى سىنىپقا 39 مىڭعا جۋىق وقۋشى قابىلدانادى دەپ كۇتىلۋدە، بولجام بويىنشا 2022-2023 وقۋ جىلىندا ءۇش اۋىسىمدى مەكتەپتەر سانى 60 بىرلىككە جەتەدى. ماسەلەنىڭ ماڭىزدىلىعىن ەسكەرە وتىرىپ، اۋداندار مەن قالا اكىمدەرىنە جەكە مەكتەپتەر سالۋ ءۇشىن ينۆەستورلار تارتۋ جانە ءمجا تەتىگى بويىنشا جۇمىس جۇرگىزۋدى تاپسىرامىن»، — دەدى وبلىس اكىمى.

ءوز بايانداماسىندا ول وڭىردەگى ەڭ وزەكتى ماسەلەلەردىڭ ءبىرى — ءۇش اۋىسىمدى مەكتەپتەردىڭ قالاي جۇمىس ىستەيتىنى تۋرالى ايتىپ بەردى. 2025 جىلعا دەيىن «كومفورتنايا شكولا» جوباسى بويىنشا 51 مەكتەپ سالۋ جوسپارلانۋدا. سونىمەن قاتار، وبلىس جەتەكشى جوعارى وقۋ ورىندارى مەن كوللەدجدەردىڭ، دارىندى بالالارعا ارنالعان مەكتەپ-ليتسەيلەردىڭ، مەديتسينالىق حابتىڭ جانە «G4 City» اۋماعىنداعى عىلىمي ءبىلىم بەرۋ ايماعىنىڭ فيليالدارىمەن بىرگە «Gate District»اشىلعانىن جاريالادى. سونداي-اق، «ءبىلىمدى ۇلت»ۇلتتىق جوباسى اياسىندا 11 كوللەدجدىڭ ماتەريالدىق-تەحنيكالىق بازاسى نىعايتىلادى.

اسحات قاناتۇلى جاڭا وقۋ جىلىنداعى وزگەرىستەرگە توقتالىپ، پەداگوگتار ءۇشىن ماڭىزدى سۇراقتارعا جاۋاپ بەردى.

الماتى وبلىسى ءبىلىم باسقارماسىنىڭ باسشىسى سالتانات داۋسپەكقىزى بەسپاەۆا وتكەن وقۋ جىلىنىڭ قورىتىندىسىن شىعارىپ، اتقارىلعان جۇمىستارعا تالداۋ جاسادى. ول تىڭداۋشىلاردىڭ نازارىن بالا باقشادان باستاپ مەكتەپتەر مەن كوللەدجدەرگە دەيىن وسكەلەڭ ۇرپاققا قۇندىلىقتارعا نەگىزدەلگەن ءبىلىمدى بەرۋ قاجەتتىلىگىنە اۋداردى.

پلەنارلىق وتىرىستىڭ كۇن تارتىبىندە ايماقتىڭ پەداگوگيكالىق قىزمەتكەرلەرىنىڭ باياندامالارى ۇسىنىلدى. ولاردىڭ سوزدەرىنەن ۇسىنىلعان ماتەريالداردىڭ مازمۇندىلىعى مەن وزەكتىلىگىن، ءبىلىم بەرۋ قىزمەتكەرلەرىنىڭ پەداگوگيكالىق قىزمەتىنىڭ جوعارى ناتيجەلىلىگىن اتاپ وتكىم كەلەدى.

ىلە اۋدانى №13 ورتا مەكتەبىنىڭ ديرەكتورى اياۋلىم كەرىمقۇلوۆا ءبىلىم مينيسترلىگى قابىلداعان ءبىلىم بەرۋ مەكەمەلەرىنىڭ باسشىلارىنا روتاتسيا جۇرگىزۋ — مەكتەپتىڭ جوعارى دەڭگەيدە جۇمىس ىستەيتىنى، جاڭا باسشىنىڭ جاڭا يدەيالارىمەن بىرگە داميتىندىعىمەن پايدالى ەكەنىن اتاپ ءوتتى. قاراساي اۋدانى المالىباق اۋىلىنداعى مەكتەپ-گيمنازياسى ديرەكتورىنىڭ ادىستەمەلىك جۇمىستار جونىندەگى ورىنباسارى دينارا بوپاتاەۆا بىلىكتىلىكتى ارتتىرۋ ايماعىنا اينالعان «Mentor school» جوباسى بويىنشا مەكتەپتەگى تالىمگەرلىك ءۇردىسىنىڭ وزىندىك اۆتورلىق مودەلىن ۇسىندى. الماتى ەكونوميكالىق كوللەدجىنىڭ ديرەكتورى قاسىمبەك جاقسىباي نۇرلىبايۇلى كوللەدجدەردىڭ اكادەميالىق دەربەستىگى جاعدايىندا جۇمىس بەرۋشىلەرمەن سەرىكتەستىكتى دامىتۋ پروبلەمالارىنا توقتالدى.

ءىس-شارا سوڭىندا ەلىمىزدىڭ بولاشاعى، وسكەلەڭ ۇرپاقتى وقىتۋ جانە تاربيەلەۋگە باعىتتالعان جوعارى بىلىكتىلىگى، كاسىبي شەبەرلىگى، تابىستى جۇمىسى ءۇشىن ۇزدىك پەداگوگتاردى ماراپاتتاۋ ءراسىمى ءوتتى.

پىكىرلەر