سولتۇستىك قازاقستان وبلىسى ءۋاليحانوۆ اۋدانى بيدايىق اۋىلىندا تسەليننايا كوشەسىنىڭ تۇرعىندارى اكىمدىكتەن ۋادە ەتىلگەن جول جوندەۋ جۇمىستارىن كۇتپەي، جول توسەمىن وز بەتىنشە جوندەۋدى باستادى، دەپ جازادى "ادىرنا" ۇلتتىق پورتالى.
اۋىل تۇرعىندارى ۇساق قيىرشىق تاس، تسەمەنت ساتىپ الىپ، جولداعى شۇڭقىرلاردى جوندەۋگە كىرىستى.
Petropavlovsk.news مالىمەتىنشە، بيدايىق كوشەلەرى كەڭەس وداعىنان بەرى جوندەۋ جۇمىستارىن كورمەگەن. شۇڭقىرلى جولدى كولىكپەن دە، اربامەن دە اينالىپ ءوتۋ مۇمكىن ەمەس.
"بيدايىقتاعى جولداردى جوندەۋگە جوبالىق-سمەتالىق قۇجاتتاما دايىن. اۋدان اكىمشىلىگى مەن اۋىلدىق وكرۋگ اكىمدىگى جوندەۋ جۇمىستارى باستالادى دەپ ۋادە بەرەدى، بىراق جاز اياقتالىپ، جۇمىس ءالى باستالعان جوق. كوشەلەردى جوندەۋگە 336 ميلليون تەڭگە ءبولىندى. ۆورونەج، گاگارين، جاپاروۆ، تسەليننايا، كارل ماركس، ميرنايا، ودەسسا، پولتاۆسكايا كوشەلەرىندە ورتاشا جوندەۋ جوسپارلانعان. راس، جازدىڭ سوڭىنا دەيىن جاريالانعان تەندەرلەردىڭ ەشقايسىسى بولعان جوق. وسىلايشا، جوندەۋ جۇمىستارى كەلەسى جىلعا قايتا اۋىستىرىلادى", دەيدى جەرگىلىكتى تۇرعىندار.
