قازاقستاندا قانت، پياز جانە ۇن باعاسى تاعى قىمباتتاۋدا. ينفلياتسيانىڭ اعىمداعى جاعدايى تۋرالى ۇلتتىق ستاتيستيكالىق بيۋروعا حابارلاندى. بولجامدار كوڭىل كونشىتپەيدى، دەپ حابارلايدى “ادىرنا” ۇلتتىق پورتالى.
تامىزدا ينفلياتسيا جىلدىق ەسەپتە 16,1%-دى، ءبىر ايدا 1,4%-دى قۇرادى. وتكەن جىلدىڭ سايكەس كەزەڭىمەن سالىستىرعاندا ازىق-تۇلىك تاۋارلارى 20,8%-عا، وزگە دە تاۋارلار 15,5%-عا، اقىلى قىزمەتتەر 10,1%-عا ءوستى.
ازىق-تۇلىك نارىعىندا تۇيىرشىكتەلگەن قانت باعاسى جىل ىشىندە ايتارلىقتاي ءوستى - 92,8%، پياز – 46,9%، ۇن – 41,4%. قىزىلشا – 12,4%-عا، ال ءسابىز– 11,6%-عا تومەندەدى.
باعالار كەڭسە تاۋارلارى – 60,5%-عا، سومكەگە، ستۋدەنتتىك ريۋكزاك – 44%-عا، جەكە زاتتار – 28,4%-عا، جۋعىش جانە تازالاۋ قۇرالدارى – 26,6%-عا، تۇرمىستىق تەحنيكا – 24,2%-عا، قۇرىلىس ماتەريالدارى – 20%-عا، بالالار اياق كيىمى – 19,6%، جيھاز جانە تۇرمىستىق زاتتار – 19,2%، ىدىس-اياق – 16%، بالالار كيىمى – 15%، اۆتوموبيلدەر – 14,6%، توقىما – 11,3%، كىتاپتار – 10,9%، فارماتسەۆتيكالىق ونىمدەر – 10,7%. ءوستى.
اقىلى قىزمەتتەردىڭ باعاسى جىل ىشىندە (2022 جىلعى تامىزدان 2021 جىلعى تامىزعا دەيىن) 10,1%-عا ءوستى. كەشەندى دەمالىس باعاسى 20,1%-عا، قوعامدىق تاماقتانۋ قىزمەتتەرى – 18,4%-عا، ساناتوريلەر – 15,3%-عا، دەنساۋلىق ساقتاۋ – 14,9%-عا، شاشتاراز جانە جەكە كۇتىم قىزمەتتەرى – 13,8%-عا، قوناقۇيلەر – 6,9%-عا قىمباتتادى. جولاۋشىلار كولىگى قىزمەتى 5,7%-عا ءوستى.
تۇرعىن ءۇي-كوممۋنالدىق شارۋاشىلىق سالاسىنداعى تاريفتەر، اتاپ ايتقاندا، ەلەكتر قۋاتى، قوقىس شىعارۋ – 3,7%-عا، كارىزگە – 1,6%-عا ءوستى ، ورتالىقتان جىلىتۋ – 2,3%-عا، ىستىق سۋ – 0,9%-عا تومەندەدى.
”ادىرنا” ۇلتتىق پورتالى