اۋىلشارۋاشىلىق ءمينيسترى ساپارحان وماروۆ كارتوپ باعاسىن كىم ءوسىرىپ وتىرعانىن ايتتى، دەپ حابارلايدى “ادىرنا” ۇلتتىق پورتالى كتك جاڭالىقتارىنا سىلتەمە جاساپ.
كارتوپتىڭ باعاسىن الىپساتارلار ءوسىرىپ وتىر. اۋىل شارۋاشىلىعى ءمينيسترى ساپارحان وماروۆ كىنانىڭ ءبارىن دەلدالدار مەن سۋپەرماركەتتەرگە جاپتى. ونىڭ ۇستىنە ءبىزدىڭ كارتوپ ءالى ءپىسىپ ۇلگەرمەگەن. سوندىقتان نارىقتى كورشى ەلدەردىڭ ءونىمى جاۋلاپ جاتىر ەكەن.
“ەگەر باعا تۋرالى ايتار بولساق، ءبىزدىڭ اۋىل شارۋاشىلىعى وندىرۋشىلەرى ءوز قويمالارىنان 200 تەڭگەدەن ساتادى. قالعانىن ونىڭ ۇستىنە اراداعى الىپساتارلار مەن سۋپەرماركەتتەر قوسىپ وتىر”، – دەيدى اۋىل شارۋشىلىعى ءمينيسترى ساپارحان وماروۆ.
ءمينيستردىڭ ايتۋىنشا، ءبىزدىڭ ەل كارتوپ تۇتىنۋ كولەمىنەن جىل سايىن اسىرا ءوندىرىپ كەلەدى. مىسالى، قازاقستاندىقتار جىلىنا 3 690 توننا كارتوپ تۇتىناتىن بولسا، ءوندىرۋ كولەمى 4 مىڭ توننا، ياعني 8 پايىز ارتىق. تەك وسى كۇندەرى قىرعىزستان مەن وزبەكستان سىندى كورشىلەرىمىزدە اۋا رايىنىڭ ەرەكشەلىگىنە بايلانىستى كارتوپ ەرتەرەك پىسكەن. سوندىقتان دۇكەندەرىمىزدە سولاردىڭ ءونىمى پايدا بولدى دەيدى مينيستر.
بۇۇ-نىڭ مالىمەتىنشە، مەملەكەت ءوزىن ازىق-تۇلىكپەن 80 پايىز قامتاماسىز ەتە السا، ول مۇقتاجسىز ەل سانالادى. ال قازاقستاندا بۇل كورسەتكىش 80 پايىزدان اسادى. دەگەنمەن ءبىزدىڭ ەلدە تاپشىلىعى سەزىلەتىن تاعام تۇرلەرى دە بارشىلىق. ونىڭ ىشىندە: بالىق، الما، قۇس ەتى، شۇجىق، سۇزبە جانە ۇنتاق قانت بويىنشا ەلىمىز تەك 50-60 پايىز قامتىلعان.
