Aýylsharýashylyq mınıstri Saparhan Omarov kartop baǵasyn kim ósirip otyrǵanyn aıtty, dep habarlaıdy “Adyrna” ulttyq portaly KTK jańalyqtaryna silteme jasap.
Kartoptyń baǵasyn alypsatarlar ósirip otyr. Aýyl sharýashylyǵy mınıstri Saparhan Omarov kinániń bárin deldaldar men sýpermarketterge japty. Onyń ústine bizdiń kartop áli pisip úlgermegen. Sondyqtan naryqty kórshi elderdiń ónimi jaýlap jatyr eken.
“Eger baǵa týraly aıtar bolsaq, bizdiń aýyl sharýashylyǵy óndirýshileri óz qoımalarynan 200 teńgeden satady. Qalǵanyn onyń ústine aradaǵy alypsatarlar men sýpermarketter qosyp otyr”, – deıdi aýyl sharýshylyǵy mınıstri Saparhan Omarov.
Mınıstrdiń aıtýynsha, bizdiń el kartop tutyný kóleminen jyl saıyn asyra óndirip keledi. Mysaly, qazaqstandyqtar jylyna 3 690 tonna kartop tutynatyn bolsa, óndirý kólemi 4 myń tonna, ıaǵnı 8 paıyz artyq. Tek osy kúnderi Qyrǵyzstan men Ózbekstan syndy kórshilerimizde aýa raıynyń ereksheligine baılanysty kartop erterek pisken. Sondyqtan dúkenderimizde solardyń ónimi paıda boldy deıdi mınıstr.
BUU-nyń málimetinshe, memleket ózin azyq-túlikpen 80 paıyz qamtamasyz ete alsa, ol muqtajsyz el sanalady. Al Qazaqstanda bul kórsetkish 80 paıyzdan asady. Degenmen bizdiń elde tapshylyǵy seziletin taǵam túrleri de barshylyq. Onyń ishinde: balyq, alma, qus eti, shujyq, súzbe jáne untaq qant boıynsha elimiz tek 50-60 paıyz qamtylǵan.
