Qyzdyŋ artynan 12 qymbat ton äkelgenderdıŋ videosy jelıde tez tarady. Mūny körgen jūrt qyzu talqylai bastady. Būl maqtan men ysyrapşylyq dep söktı, dep habarlaidy "Adyrna" ūlttyq portaly Kznews.kz saityna sılteme jasap.
Qazaq qyzy tūrmysqa şyqqanda artynan tösek-orny men düniesın alyp barady. Alaida qazırgı tösek-oryn künnen künge jarys bolyp bara jatqandai. Jelıde qyzdyŋ artynan 12 qymbat ton äkelgenderdıŋ videosy jeldei estı. Bırı mūny ysyrapşylyq dese, bırı qūr maqtan dep aşulandy. Endı bırı ärkım körpege qarai kösıledı dep aqtady. “Qyzdyŋ jasauyn körseteiık. Mynau – qyzyl ton, mynau – qara ton. 12 jaǧaly kiım. Ärqaisysyn jarqyrap kiıp jüredı. Zamanǧa sai, qazırgı sändegı tondar”, – dedı tanystyruşy. Odan bölek bas kiımderın, özge de dünie-mülkın tanystyrdy.- “Mūndai qūr ysyrapşylyqtyŋ ne keregı bar?”, “Qazır bärı jarys bolyp kettı”, “Ysyrap jaqsy närse emes”, “Şamasy kelse, ala bersın”, “Qandai küştı, 12 aida 12 ton kie me?”, “Būl jarys pa?”, “Dästürdıŋ ozyǧy bar, tozyǧy bar”, ”Bailar ne ısterın bılmei jür”, “Qazaq būryn bai bolǧan, är qyzyna osylai jasau jasaǧan”, “Qazaq qyzynyŋ qalyŋ maly jüz jylqy, jüz tüiege deiın barǧan, onda tūrǧan eşnärse joq”, “Aqşasy joq jıgıtter üilenbei me sonda?”, “Şamaǧa qarai kösıledı ǧoi”, “Jaz bolmaityn jaqqa kelın bolǧan ba?”, “Jastar baqytty bolsyn”, “Ekı jasqa baqyt tıleimın”, “Bar bolsa bere bersın. Baidyŋ asyn baiǧūs qyzǧanady bolmai ärkım baryn bazarlasyn”– dep jazdy jelıdegıler.
"Adyrna" ūlttyq portaly
Ūqsas jaŋalyqtar
