Koronavirus infeksiiasyn halyq jasyryn toilarǧa baryp jūqtyruda. Būl turaly "Adyrna" ūlttyq portaly İnformbiuro jaŋalyqtar baǧdarlamasyna sılteme jasap habarlaidy.
Koronavirustan em alyp jatqan nauqastardyŋ bırı jurnalist Arman Karimov janynda jatqandardyŋ basym bölıgı virusty merekelık ıs-şarada, otbasylyq keşterde jūqtyrǧanyn aitady. Ol tıptı özınıŋ de qalai infeksiia jūqtyrǧanyn bıledı.
"Men qazır ortalyq klinikalyq auruhanada jatyrmyn. Nauryzdan keiın auruhanaǧa tüstım. Bıraq virusty odan būryn jūqtyrǧanmyn. Şamamen virusty därıhanada jūqtyryp alǧan siiaqtymyn. Men jörgek aluǧa barǧanmyn. Sol kezde türı kögerıp ketken er adamda kezekte tūrǧan. Özın naşar sezınıp tūrǧan edı. Menıŋ oiymşa sol kısı koronaviruspen auyrǧan. Öitkenı virusqa qarsy därıler satyp aldy", - deidı ol.Sonymen qatar, Arman Karimov auruhanadaǧy qazırgı jaǧdai mäz emes ekenın jetkızdı. Merekelık ıs-şaralarǧa baryp, bükıl otbasyn jūqtyrǧandar öte köp ekenın aitady ol.
"Auruhanada adamdar jeke-jeke palatada jatyr. Bırı ottegımen tynys alyp jatsa, endı bırı därıger jazyp bergen preparattardy qabyldauyn jalǧastyruda. Barlyq bölmeler jabyq. Būl jerde auyryp jatqandar virusty ekı jolmen jūqtyrǧan. Bırınşı joly - özderı ärtürlı keşterge, toilarǧa barǧan. Ekınşı joly - jaqyndarynan jūqtyrǧan. Būl mäselege män beru kerek. Aiyppūl kölemın de arttyru qajet", - deidı Arman Karimov.Ol bır palatada jatqan nauqastardyŋ virusty qalai jūqtyrǧany turaly bırneşe oqiǧamen bölıstı.
"Ata men äje 30-50 adam jinalǧan qonys toiǧa barypty. Üş künnen keiın auyryp, jedel järdem şaqyrǧan. Qatelespesem jedel järdem kelmeptı. Üş künnen keiın atasy tynys jetıspeuşılıkten köz jūmypty. Al äjei qazır em alyp jatyr", - deidı ol.Toiǧa barmasa da, barlarda qydyryp jürgen jas jıgıt te ata-anasyna virus jūqtyryp, qazır özı auruhanada jatqan körınedı.
"Taǧy bır bala launj-barlarǧa baryp jürgen. Barlyǧy aşyq, jasyryn jūmys ıstep jatyr deidı. Dostarymen barǧa baramyn dep ata-anasyna jäne taǧy bır dosyna virus jūtyrypty", - deidı Karimov.Auyrǧandardyŋ arasynda toiǧa barǧysy kelmese de, "ūiat bolady" dep bükıl otbasynyŋ ömırın qauıpke tıkkender de bar.
"Banu esımdı qyz Talǧarda jasyryn türde ötken qūrbysynyŋ ūzatuyna barypty. Toiǧa baryp kelgennen keiın üiındegılerdıŋ barlyǧyna virus jūqtyrǧan. Banu toiǧa barǧysy kelmeptı. Bıraq eŋ jaqyn qūrbysy ūzatylǧandyqtan, köŋılın qaldyrmaǧan", - deidı jurnalist.Nauqastardyŋ basym bölıgı jasyryn toilarǧa, rūqsat etılmegen ıs-şaralarǧa, adam köp jinalǧan jerge özderı barǧanyn aityp aşynǧan jurnalist būlai jalǧasa berse, jaǧdai jaqsarmaitynyn tüsındırmek boldy.
"Būl qarqynmen şılde aiyndaǧy jaǧdaiǧa qaitadan jetemız. Ol kezderı mäiıthanalardyŋ özı tolyp ketken edı. Därıgerlerge arnaiy kiımmen jüru öte qiyn. Qazır kün jylynatyn bolsa, tıptı qiynǧa soǧaiyn dep tūr. Sondyqtan, özderıŋızdı kütıŋızder, virusty üige tasymaŋyzdar. Ömırıŋızde būl toidan basqa toi bolmaityndai barlyq jerge bara berudıŋ qajetı joq", - deidı Arman Karimov.
Ūqsas jaŋalyqtar
