الداعى ۋاقىتتا قازاقستان - كاتار باعىتىنداعى اۋە رەيستەرىنىڭ سانى ارتادى، دەپ حابارلايدى «ادىرنا» ءتىلشىسى.
بۇل تۋرالى قر يدم ازاماتتىق اۆياتسيا كوميتەتىنىڭ توراعاسى تالعات لاستاەۆتىڭ كاتار مەملەكەتىنىڭ اۆياتسيالىق بيلىك پرەزيدەنتى موحامەد فالەح ءال-حادجري مىرزا جانە كاتار مەملەكەتىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ابدۋلازيز سۇلتان ءال-رۋمەيحي مىرزامەن كەزدەسۋى بارىسىندا بەلگىلى بولدى.
قوس تاراپتىڭ كەزدەسۋى بارىسىندا ەكى ەلدىڭ ازاماتتىق اۆياتسيا سالاسىنداعى ىنتىماقتاستىق ماسەلەلەرىن تالقىلادى.
ولار، رەيستەر سانىن ارتتىرۋ جانە قازاقستان مەن كاتار اراسىنداعى ۇشۋلار گەوگرافياسىن كەڭەيتۋ، اۆياتسيالىق مامانداردى وقىتۋ جانە ولاردىڭ بىلىكتىلىگىن جەتىلدىرۋ، كاتارلىق كومپانيالاردىڭ ينۆەستيتسيالارىن قازاقستانعا تارتۋ ماسەلەلەرى بويىنشا ويلارىن ورتاعا سالدى.
ايتا كەتەيىك، «Qatar Airways» اۆياكومپانياسى دوحا-الماتى باعىتى بويىنشا جيىلىگى اپتاسىنا 4 رەت جولاۋشى تاسىمالدايدى. كاتار تاراپىنىڭ اقپاراتى بويىنشا «Qatar Airways» اۋە كومپانياسى 2023 جىلعى كوكتەم-جاز مەرزىمىنەن باستاپ نۇر-سۇلتان مەن دوحا اراسىندا رەيستەر اشۋدى جوسپارلاپ وتىر.
