«بيپەك اۆتو – ازيا اۆتو» كومپانيالار توبى ديرەكتورلار كەڭەسىنىڭ توراعاسى ا.بالۋشكينگە الاياقتىق جاسادى دەپ، 2021 جىلدىڭ تامىز ايىندا ىزدەۋ جاريالانادى. سەبەبى، ول مەملەكەتتىڭ 173 ميلليارد، 979 ميلليون اقشاسىن جەپ قويعان. بىراق، ول سابازىڭ رەسەي ازاماتتىعىن الىپ، سول جاققا قاشىپ كەتەدى.
بىراق، بالۋشكين باسقا ەلگە كەتكەنىمەن، ىسكە
قاتىسى بار دەگەندەردىڭ ءبىرازى ەلدە تەرگەۋدە.
سولاردىڭ اراسىندا ءالى كۇنگە قاماۋدا زاڭسىز
وتىرعان، سول كەزدەگى كومپانيا باسشىلىعىنىڭ ىشىندەگى جالعىز قازاق - ەرجان مانديەۆ.
ءبىر جىلعا جۋىق تەمىر توردا وتىرسا دا، كىناسى
دالەلدەنبەگەن. بالۋشكيننەن ايىرىلىپ
قالعاندار كۇماندى ىستە مانديەۆتى باستى تۇلعا جاساماقشى ما؟
ەرجان مانديەۆكە قىلمىستىق كودەكستىڭ 190-بابىنىڭ 4-بولىگىنىڭ 2-تارماعى بويىنشا ايىپ تاعىلادى. 2021 جىلدىڭ 20 قىركۇيەگىندە ۇستالىپ، تەرگەۋ توبى ونى قاماۋعا الادى.
ايىپتالۋشى اۋەلى نۇر-سۇلتان، كەيىن سەمەي
قالاسىنداعى تەرگەۋ يزولياتورىنا اۋىستىرىلادى.
قاماۋدا جاتقان ول ءوزىنىڭ ازاپتالعانىن
ايتادى:
«نۇر-سۇلتان قالاسىنداعى قر ۇقك-ءنىڭ ارنايى ۇيىمداستىرىلعان بولىمشەسىندە - «ارنايى پرودول» دەپ اتالاتىن تەرگەۋ يزولياتورىندا ماعان فيزيكالىق جانە پسيحولوگيالىق قىسىم جاسالدى. دارىگەرلەر مي جارتى شارلارىنىڭ اق زاتىندا گليوزدىڭ ۆازوگەندى وشاقتارى، وڭ جاق الدىڭعى مي ارتەرياسىنىڭ ا1 سەگمەنتىنىڭ گيپوپلازياسى
دەگەن دياگنوز قويدى. مۇنداي وزگەرىستەر باس سوققى قابىلداعاندا تۋىنداۋى مۇمكىن. قازىرگى تاڭدا ازاپتاۋ فاكتىسى بويىنشا قوزعالعان قىلمىستىق ءىس اياسىندا سوت-مەديتسينالىق ساراپتاما تاعايىندالدى».
ەرجان مانديەۆ 2013 جىلعى 8 اقپاندا سول
كەزەدگى «تسەسنابانك» پەن ءوزى باسقارعان «ازيا اۆتو» اراسىندا كەلىسىم بولىپ، كومپانيا بانكتەن 24 اي مەرزىمگە 6 ملرد تەڭگە نەسيە العان. الايدا سول جىلى ول اتالعان كومپانيادان جۇمىستان شىعىپ كەتەدى. ودان ارى قاراي قارجىلىق ماسەلەلەرگە قاتىسى بولماعان. ودان كەيىن دە بانك كومپانيانى بەلسەندى تۇردە قارجىلاندىرۋدى جالعاستىرعان. ياعني بانك اقشا قۇيۋدى توقتاتپاعان. باستاپقى كەلىسىم-شارتتىڭ مەرزىمىن دە، سوماسىن دا باسقا ادامدار وزگەرتكەن. ەرجاننىڭ ءوزى تۇرماق قولى دا جوق.
سوندا بىرنەشە جىل كومپانياعا قاتىسى
بولماعان ادام قالاي كىنالى بولىپ، نەگە
قامالدى؟ ايىپتالۋشىنىڭ ادۆوكاتى ەرمەك
تۇرساعۇلوۆتىڭ سوزىنشە، ەرجان مانديەۆ
«جۋسان» بانككە نەسيەسىن قايتارمادى دەپ
ايىپتالىپ وتىر. الايدا بۇل ايىپ ءالى كۇنگە
دالەلدەنگەن جوق. «جۋسان» بانك ك.ءماسىموۆتىڭ تاپسىرماسىمەن بۇنى قۋدالاپ، وعان تيەسىلى دۇنيەنى تارتىپ العىسى كەلگەن. بار ماسەلە – سوندا» - دەيدى قورعاۋشى تۇرساعۇلوۆ. ەرجان مانديەۆكە قاتىستى بۇدان بولەك ازاپتاۋ جانە رەيدەرلىك دەگەن تاعى ەكى ءىس بار. ەكەۋىندە دە ونىڭ زارداپ شەگۋشى ەكەنى دالەلدەنگەن. تەرگەۋ بارىسىنا كەلسەك: قازىرگى تاڭدا قىلمىستىق ىستى ءۇشىنشى توپ جۇرگىزىپ وتىر، قاماۋ مەرزىمى 2022 جىلعى 20 قىركۇيەككە دەيىن ۇزارتىلعان، قىلمىستىق ءىس بويىنشا مانديەۆتىڭ كىناسى تۋرالى جەتكىلىكتى، وبەكتيۆتى جانە جان-جاقتى
زەرتتەلگەن دالەلدەمەلەر دە جوق.
وتاندىق كولىك نارىعىنا ايتارلىقتاي ەڭبەك
ءسىڭىرىپ، الپاۋىت كومپانيانى اياعىنا تۇرعىزعان بىلىكتى مامان، ەكونوميست بىرنەشە جىلعا سوتتالۋى مۇمكىن. تاعىلعان ايىپ دالەلدەنسە، اڭگىمە بولەك بولار
ەدى.
ايران ىشكەن بالۋشكين قۇتىلىپ، شەلەكتى
جالاماعان دا مانديەۆتىڭ سوتتالۋى ادىلەت پە؟
ىستەمەگەن قىلمىسىن موينىنا ءىلىپ، قىسىم
جاساپ سوتتاۋ ەسكى قازاقستاندا قالدى ما دەپ
ەدىك. ەسكى ادىسپەن جاڭا قازاقستان قۇرا الامىز با؟ نەگە رەيدەرلىكتىڭ ارەكەتتەردىڭ بارىندە ماسىموۆتىڭ اتى اتالادى؟
قر باس پروكۋراتۋراسى، قر ۇقك، سىبايلاس جەمقورلىققا قارسى ءىس قيمىل اگەنتتىگىنەن ءىستىڭ اشىق تا ءادىل جۇرگىزىلۋىن سۇرايمىز.
