«Bipek Avto – Aziia Avto» kompaniialar toby direktorlar keŋesınıŋ töraǧasy A.Baluşkinge alaiaqtyq jasady dep, 2021 jyldyŋ tamyz aiynda ızdeu jariialanady. Sebebı, ol memlekettıŋ 173 milliard, 979 million aqşasyn jep qoiǧan. Bıraq, ol sabazyŋ Resei azamattyǧyn alyp, sol jaqqa qaşyp ketedı.
Bıraq, Baluşkin basqa elge ketkenımen, ıske
qatysy bar degenderdıŋ bırazy elde tergeude.
Solardyŋ arasynda älı künge qamauda zaŋsyz
otyrǧan, sol kezdegı kompaniia basşylyǧynyŋ ışındegı jalǧyz qazaq - Erjan Mandiev.
Bır jylǧa juyq temır torda otyrsa da, kınäsı
däleldenbegen. Baluşkinnen aiyrylyp
qalǧandar kümändı ıste Mandievtı basty tūlǧa jasamaqşy ma?
Erjan Mandievke Qylmystyq kodekstıŋ 190-babynyŋ 4-bölıgınıŋ 2-tarmaǧy boiynşa aiyp taǧylady. 2021 jyldyŋ 20 qyrküiegınde ūstalyp, tergeu toby ony qamauǧa alady.
Aiyptaluşy äuelı Nūr-Sūltan, keiın Semei
qalasyndaǧy tergeu izoliatoryna auystyrylady.
Qamauda jatqan ol özınıŋ azaptalǧanyn
aitady:
«Nūr-Sūltan qalasyndaǧy QR ŪQK-nıŋ arnaiy ūiymdastyrylǧan bölımşesınde - «Arnaiy prodol» dep atalatyn tergeu izoliatorynda maǧan fizikalyq jäne psihologiialyq qysym jasaldy. Därıgerler mi jarty şarlarynyŋ aq zatynda gliozdyŋ vazogendı oşaqtary, oŋ jaq aldyŋǧy mi arteriiasynyŋ A1 segmentınıŋ gipoplaziiasy degen diagnoz qoidy. Mūndai özgerıster bas soqqy qabyldaǧanda tuyndauy mümkın. Qazırgı taŋda azaptau faktısı boiynşa qozǧalǧan qylmystyq ıs aiasynda sot-medisinalyq saraptama taǧaiyndaldy».Erjan Mandiev 2013 jylǧy 8 aqpanda sol kezedgı «Sesnabank» pen özı basqarǧan «AZİIа AVTO» arasynda kelısım bolyp, kompaniia bankten 24 ai merzımge 6 mlrd teŋge nesie alǧan. Alaida sol jyly ol atalǧan kompaniiadan jūmystan şyǧyp ketedı. Odan ary qarai qarjylyq mäselelerge qatysy bolmaǧan. Odan keiın de bank kompaniiany belsendı türde qarjylandyrudy jalǧastyrǧan. Iаǧni bank aqşa qūiudy toqtatpaǧan. Bastapqy kelısım-şarttyŋ merzımın de, somasyn da basqa adamdar özgertken. Erjannyŋ özı tūrmaq qoly da joq. Sonda bırneşe jyl kompaniiaǧa qatysy bolmaǧan adam qalai kınälı bolyp, nege qamaldy? Aiyptaluşynyŋ advokaty Ermek Tūrsaǧūlovtyŋ sözınşe, Erjan Mandiev «Jusan» bankke nesiesın qaitarmady dep aiyptalyp otyr. Alaida būl aiyp älı künge däleldengen joq. «Jusan» bank K.Mäsımovtyŋ tapsyrmasymen būny qudalap, oǧan tiesılı dünienı tartyp alǧysy kelgen. Bar mäsele – sonda» - deidı qorǧauşy Tūrsaǧūlov. Erjan Mandievke qatysty būdan bölek azaptau jäne reiderlık degen taǧy ekı ıs bar. Ekeuınde de onyŋ zardap şeguşı ekenı däleldengen. Tergeu barysyna kelsek: qazırgı taŋda qylmystyq ıstı üşınşı top jürgızıp otyr, qamau merzımı 2022 jylǧy 20 qyrküiekke deiın ūzartylǧan, qylmystyq ıs boiynşa Mandievtıŋ kınäsı turaly jetkılıktı, obektivtı jäne jan-jaqty zerttelgen däleldemeler de joq. Otandyq kölık naryǧyna aitarlyqtai eŋbek sıŋırıp, alpauyt kompaniiany aiaǧyna tūrǧyzǧan bılıktı maman, ekonomist bırneşe jylǧa sottaluy mümkın. Taǧylǧan aiyp däleldense, äŋgıme bölek bolar edı. Airan ışken Baluşkin qūtylyp, şelektı jalamaǧan da Mandievtıŋ sottaluy ädılet pe? Istemegen qylmysyn moinyna ılıp, qysym jasap sottau eskı Qazaqstanda qaldy ma dep edık. Eskı ädıspen jaŋa Qazaqstan qūra alamyz ba? Nege reiderlıktıŋ äreketterdıŋ bärınde Mäsımovtyŋ aty atalady? QR Bas prokuraturasy, QR ŪQK, Sybailas jemqorlyqqa qarsy ıs qimyl agenttıgınen ıstıŋ aşyq ta ädıl jürgızıluın sūraimyz.
