الماتى قالاسىنىڭ كولىك جۇرگىزۋشىلەرى جينالىپ، توقاەۆقا ۆيدەوۇندەۋ جولدادى. ولار اۆتوكولىكتەردى لەگاليزاتسيالاۋدى ءبولىپ-جارماي، بارلىق كولىككە بىردەي جاسالاۋىن تالاپ ەتتى. بۇل تۋرالى “ادىرنا” ۇلتتىق پورتالىنىڭ وقىرمانى حات جولدادى.
“قۇرمەتتى پرەزيدەنت، قاسىم-جومارت كەمەلۇلى توقاەۆ! ءبىز قازاقستان رەسپۋبليكاسىنىڭ ازاماتتارى سىزگە وسى ۆيدەوۇندەۋدى جولدايمىز. قىركۇيەكتىڭ ءبىرى كۇنگى جولداۋىڭىزدا ءسىز اۆتوكولىكتەردى لەگاليزاتسيالاۋ تۋرالى ايتىپ كەتتىڭڭىز. ەندى سول لەگاليزاتسيانى ءبولىپ-جارماي، قازاقستانعا كىرگەن بارلىق كولىكتەرگە بىردەي جاسالسا دەيمىز. ويتكەنى، سول كولىكپەن وتباسىمىزدى اسىراپ وتىرمىز!”، دەپ ۆيدەوۇندەۋ جولدادى.
ايتا كەتەيىك، بيىل 1 قىركۇيەكتە مەملەكەت باسشىسى ەل اۋماعىنا 2022 جىلدىڭ ءبىرىنشى قىركۇيەگىنە دەيىن ماشينالاردى زاڭداستىرۋدى ۇسىندى. سونداي-اق، نەگىزى وزگەرىستەردىڭ ءبىرى رەتىندە اكىمشىلىك كودەكستىڭ 590-بابتىڭ 2-1 بولىگىن پايدا بولعانىن اتاۋعا بولادى. اتالعان نورماعا ساي تىركەلمەگەن كولىك مىنگەندەر 20 اەك (61 260 تەڭگە) ايىپپۇل تولەيدى، ءبىر جىل ىشىندە ءتارتىپ ساقشىلارىنىڭ كوزىنە قايتا تۇسسە، ءبىر جىلعا جۇرگىزۋشى كۋالىگىنەن ايىرىلادى.
”ادىرنا” ۇلتتىق پورتالى
