جامبىل وبلىسى مويىنقۇم اۋدانى ۇلانبەك اۋىلىنىڭ تۇرعىنى بالاسىنىڭ ولىمىنە كىنالىنىنىڭ جازالانۋىن ءوتىنىپ، توقاەۆتان كومەك سۇراپ، ۆيدەوۇندەۋ جولدادى، دەپ حابارلايدى “ادىرنا” ۇلتتىق پورتالى.
كومەك سۇراعان انانىڭ ايتۋىنشا، بالاسىن ولتىرگەن ادام جازادان قۇتىلىپ وتىر.
“قۇرمەتتى قاسىم-جومارت توقاەۆ! وسى ءوتىنىشىمدى ادىلدىك ورناسىن دەگەن ۇمىتپەن جولداپ وتىرمىن. 2020 جىلى 28 قاراشاعا قاراعان ءتۇنى جوعارى سوتتىڭ ۇكىمىمەن بوسانىپ شىققان پريداسوۆ ەۆگەني ۆلاديميروۆيچ مەنىڭ بالام تاماباەۆ عانيدى بىرنەشە جەردەن پىشاقتاپ ءولتىردى. سوتقا دەيىنگى تەرگەۋ كەزىندە پريداسوۆ ەۆگەني جازالانباسىن دەگەن ۇكىممەن ادۆوكات كاۆالەنكونىڭ امالى تاۋسىلمادى… كىنالىنىڭ اناسى مەنىڭ بالامدى ىشكىش، ناشاقور دەپ جالا جاپتى. بىراق بالام عاني مەن ەۆگەني ەكەۋى جاقسى ارالاستى، ەكەۋىنىڭ اراسىندا ارازدىق بولعان جوق. ارتىندا 4 بالاسى قالدى، ءبىزدىڭ قورعاۋشىمىز ەدى… قۇرمەتتى پرەزيدەنت! اكەسى ەكەۋمىز قامقور ۇلىمىزدان ايىرىلدىق! ءبىز جوعارى سوتتىڭ وتىرىسىنا قاتىسقان جوقپىز. سەبەبى، اۋىلىمىزدا ينتەرنەت جوق. بىزگە وسى ۋاقىتقا دەيىن جوعارى سوتتان قاۋلى كەلگەن دە جوق. 28 ساۋىردە جىبەرگەن حاتىن 20 مامىردا الدىق. ادۆوكاتىمىز سوڭىندا كىرىپ ۇلگەردى. سوندا دا سوت شەشىمى ەۆگەنيدى بوساتۋعا جىبەرگەن” ، - دەپ ۆيدەوۇندەۋ جولدادى انا.
سونداي-اق، قايعى جۇتقان انا سوت ورىس تىلىندە بولعانىن جانە سول تىلدە ويىن جەتكىزە الماعاندىقتان ادىلەتسىزدىك كورىپ وتىرعانىن ايتتى.
“ادىرنا” ۇلتتىق پورتالى
