قىزىلوردالىقتار قالا كۇنىندە تاراتىلعان پالاۋعا تالاستى

3605
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

قىزىلوردادا قالا كۇنىنە جينالعان حالىق تەگىن تاراتىلىپ جاتقان تاماققا تالاسقان. بۇل تۋرالى جەلىدە ۆيدەوسى تارادى، دەپ حابارلايدى “ادىرنا” ۇلتتىق پورتالى.

17 قىركۇيەك قىزىلوردادا قالا كۇنىنە وراي اسپازدار اراسىندا سايىس ءوتتى. اسپازدار پىسىرگەن 40 قازان پالاۋ شارا سوڭىندا جينالعان حالىققا تاراتىلدى.

قىزىلوردا وبلىسى اكىمىنىڭ ءباسپاسوز قىزمەتىنىڭ حابارلاۋىنشا، "سىر انا" مونۋمەنتىنىڭ الاڭىندا 10 مىڭنان اسا تۇرعىننىڭ قاتىسۋىمەن «اۋىلىم – بەرەكەنىڭ اق بەسىگى» اتتى ەتنو باعىتتاعى مەرەكەلىك ءىس-شارا ۇيىمداستىرىلدى.

جەلىگە تاراعان بەينەجازبادان حالىقتىڭ جان-جاقتان قاۋمالاپ، تاراتىلىپ جاتقان تاماققا تالاسىپ جاتقانىن كورۋگە بولادى.

"نە دەگەن جابايىلىق", "قىزىلوردا حالقى اش پا؟", "اشكوزدىك قوي", "ۇيات ەكەن", "بۇلاي تەگىن ەشنارسە تاراتپاي-اق قويىڭدارشى", "يتكە سۇيەك لاقتىرعانداي", "ماسقارا", — دەپ جازدى ۆيدەونى كورگەن جەلى قولدانۋشىلارى.

”ادىرنا” ۇلتتىق پورتالى

 

 

پىكىرلەر