الماتى قالاسىندا 2025 جىلى 71 مەكتەپ بوي كوتەرەدى

2479
Adyrna.kz Telegram

مەملەكەت باسىشىسى قاسىم-جومارت توقاەۆ ءوزىنىڭ  حالىققا جولداۋىندا: «ءبىز 2025 جىلعا دەيىن 800 مىڭ بالانىڭ  زاماناۋي مەكتەپتە وقۋىنا جاعداي جاسايمىز»،-دەگەن بولاتىن.

جولداۋداعى بۇل جارقىن باستاما رەسپۋبليكاداعى تالاي ءبىلىم وردالارىنىڭ كەلبەتىنىڭ جاڭارىپ، اپاتتى جانە ءۇش اۋىسىمدا وقيتىن مەكتەپتەردىڭ سانىنىڭ ازايۋىنا ىقپال ەتەرى انىق.

الىپ شاھار الماتىدا دا ءدال وسى ماسەلە ءوز شەشىمىن تاپپاق. الداعى ۋاقىتتا، ناقىلاپ ايتقاندا، 2025 جىلدىڭ سوڭىنا دەيىن قالادا 71 مەكتەپ سالۋ جوسپارلانىپ وتىر، ونىڭ ىشىندە 23 مەكتەپ پەن جاپسارجاي بيۋدجەت ەسەبىنەن، قالعاندارى جەكە قاراجات ەسەبىنەن بوي كوتەرەدى.

ال 16 مەكتەپ پەن جاپسارجاي قۇرىلىس سالۋشىلارمەن جاساسقان مەموراندۋم اياسىندا بولماق. بۇل «الماتىنى 2025 جىلعا دەيىن دامىتۋ باعدارلاماسى جانە 2030 جىلعا دەيىنگى نەگىزگى باسىمدىقتارىندا» جازىلعان.

الاتاۋ، بوستاندىق، ناۋرىزباي جانە تۇركسىب اۋداندارىندا 2025 جىلدىڭ سوڭىنا دەيىن قوسىمشا ءبىلىم بەرۋدى دامىتۋ بويىنشا 4 زاماناۋي ورتالىق قۇرىلادى.

ايتا كەتەيىك، پرەزيدەنت بۇعان دەيىن «ءاربىر وقۋشىنىڭ ءبىلىم الىپ، جان-جاقتى دامۋى ءۇشىن قولايلى جاعداي جاسالۋعا ءتيىس»،-دەپ قاداپ ايتقان ەدى. كەلەر ۇرپاقتىڭ ساپالى ءبىلىم اۋلى ءۇشىن «جايلى مەكتەپ» ۇلتتىق جوباسىنىڭ اياسىندا ءبىرشاما اۋقىمدى ىستەر اتقارىلماق.

بۇگىندە ەل اۋماعىندا ءدال وسى ىستەردىڭ توڭىرەگىندەگى ماسەلەلەر وڭ شەشىمىن تاۋىپ باستادى.

جالپى  جولداۋدا ايتىلعانداي،  مەكتەپ سالۋ ۇكىمەت جانە اكىمدىكتەر ءۇشىن باستى مىندەتتىڭ ءبىرى بولۋى كەرەك. جەمقورلار سوتتالعاندا، ولاردىڭ زاڭسىز تاپقان قارجىسى مەملەكەتكە ءوتىپ، تۇگەلدەي مەكتەپ قۇرىلىسىنا جۇمسالۋعا ءتيىس.  ول ءۇشىن ۇكىمەت وسى باستامانى زاڭ تۇرعىسىنان راسىمدەۋ تۋرالى شەشىم قابىلداۋى عانا قالدى .

 

پىكىرلەر