Memleket basyşysy Qasym-Jomart Toqaev özınıŋ halyqqa Joldauynda: «Bız 2025 jylǧa deiın 800 myŋ balanyŋ zamanaui mektepte oquyna jaǧdai jasaimyz»,-degen bolatyn.
Joldaudaǧy būl jarqyn bastama respublikadaǧy talai bılım ordalarynyŋ kelbetınıŋ jaŋaryp, apatty jäne üş auysymda oqityn mektepterdıŋ sanynyŋ azaiuyna yqpal eterı anyq.
Alyp şahar Almatyda da däl osy mäsele öz şeşımın tappaq. Aldaǧy uaqytta, naqylap aitqanda, 2025 jyldyŋ soŋyna deiın qalada 71 mektep salu josparlanyp otyr, onyŋ ışınde 23 mektep pen japsarjai biudjet esebınen, qalǧandary jeke qarajat esebınen boi köteredı.
Al 16 mektep pen japsarjai qūrylys saluşylarmen jasasqan memorandum aiasynda bolmaq. Būl «Almatyny 2025 jylǧa deiın damytu baǧdarlamasy jäne 2030 jylǧa deiıngı negızgı basymdyqtarynda» jazylǧan.
Alatau, Bostandyq, Nauryzbai jäne Türksıb audandarynda 2025 jyldyŋ soŋyna deiın qosymşa bılım berudı damytu boiynşa 4 zamanaui ortalyq qūrylady.
Aita keteiık, Prezident būǧan deiın «ärbır oquşynyŋ bılım alyp, jan-jaqty damuy üşın qolaily jaǧdai jasaluǧa tiıs»,-dep qadap aitqan edı. Keler ūrpaqtyŋ sapaly bılım auly üşın «Jaily mektep» ūlttyq jobasynyŋ aiasynda bırşama auqymdy ıster atqarylmaq.
Bügınde el aumaǧynda däl osy ısterdıŋ töŋıregındegı mäseleler oŋ şeşımın tauyp bastady.
Jalpy joldauda aitylǧandai, mektep salu Ükımet jäne äkımdıkter üşın basty mındettıŋ bırı boluy kerek. Jemqorlar sottalǧanda, olardyŋ zaŋsyz tapqan qarjysy memleketke ötıp, tügeldei mektep qūrylysyna jūmsaluǧa tiıs. Ol üşın Ükımet osy bastamany zaŋ tūrǧysynan räsımdeu turaly şeşım qabyldauy ǧana qaldy .
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz