نۇرلان البان: ۇكىمەت تەز ارادا شەكارا ماسەلەسىن شەشسىن! (ۆيدەو)

3484
Adyrna.kz Telegram

"دەپۋتاتتارىمىزدىڭ ايتۋى بويىنشا ءبىز كەدەندىك وداقتىڭ مۇشەسى بولعاندىقتان شەكارانى جابا المايدى ەكەنبىز. ال ەندى بولاشاق كۇنىمىز نە بولماق؟ بۇعان تەز ارادا ءبىر شارا قولدانۋ كەرەك". بۇل پىكىردى بەلگىلى ءانشى نۇرلان البان ءوزىنىڭ ينستاگرام پاراقشاسىندا حابارلادى، دەپ جازادى "ادىرنا" ۇلتتىق پورتالى.

"كورشىڭنەن لاڭ شىقسا، وزىڭنەن مازا كەتەدى. مۇنداعى ايتپاعىم نە؟ كەشەگى رەسەيدە جاريالانعان موبيليزاتسيا جايىندا. مەن ساردارلى ساياساتكەر ەمەسپىن. بىراق تا، ميمەن ۇعىپ، جۇرەكپەن سەزگەننەن كەيىن الەۋمەتتىك جەلىلەردەن العان اقپاراتتار بويىنشا مازامنىڭ كەتىپ وتىرعانى انىق. مۇنىڭ سوڭى نە بولادى؟ دەرەككوزدەرگە سۇيەنسەك، وسىنىڭ الدىندا عانا رەسەي ازاماتتارىنىڭ ءبىزدىڭ قازاق جەرىنە كەلگەن سانى جارتى ميلليونعا جۋىقتاعان. ال موبيليزاتسيادان كەيىن رەسەي ازاماتتارىنىڭ قازاقستانعا ۇدەرە كوشەتىنى ءسوزسىز. دەپۋتاتتارىمىزدىڭ ايتۋى بويىنشا ءبىز شەكارانى جابا المايدى ەكەنبىز. سەبەبى، ءبىز كەدەندىك وداقتىڭ مۇشەسى بولعاندىقتان بىزگە شەكارانى جابا المايدى. ال ەندى بولاشاق كۇنىمىز نە بولماق؟ ونسىز دا قىمباتشىلىق قىسىپ جاتقاندا ازەر جۇرگەن كەيبىر قازاق وتباسىلارى... ودان قالا بەردى ورتا قولدى ءومىر ءسۇرىپ جاتقان 90 پايىز قازاقتاردىڭ كۇنى نە بولادى؟ بالالارىمىزدىڭ بولاشاعى نە بولادى؟ بۇعان تەز ارادا ءبىر شارا قولدانۋ كەرەك دەپ ويلايمىن. مۇنى مەن ەمەس شەشەتىن... جوعارىدا ۇكىمەت باسىندا وتىرعان ات ۇستىندەگى ازاماتتار! مينيسترلەر كابينەتى! دەپۋتاتتار! تەز ارادا ءبىر ماملەگە كەلەدى دەگەن سەنىمدەمىن. ويتكەنى، ءبىزدىڭ ەلگە تىنىشتىق كەرەك! ۇيىپ وتىرعان تىنىشتىعىمىزدى اللا كوپ كورمەسىن دەپ تىلەيمىز... ەلىمىز امان، جەرىمىز تىنىش بولسىن! مەن بالالارىمنىڭ بولاشاعىنا، ءوزىمىزدىڭ ەلىمىزدىڭ بولاشاعىنا الاڭداۋلىمىن...", - دەيدى نۇرلان البان.

 

"ادىرنا" ۇلتتىق پورتالى 

پىكىرلەر