قوعام قايراتكەرى حاسەن قوجاحمەت قر پرەزيدەنتتىگىنە ۇمىتكەر بولعىسى كەلەتىنىن مالىمدەدى. بۇل تۋرالى ارون اتابەكتىڭ فەيسبۋك پاراقشاسىندا حابارلاندى، دەپ جازادى "ادىرنا" ۇلتتىق پورتالى.
«ازات» قوزعالىسىنىڭ جانە «قازاق ەلى» كواليتسياسىنىڭ توراعاسى قوجا-احمەت حاسەن كارىمجانۇلى 2022 جىلعى قاراشادا وتەتىن پرەزيدەنتتىك سايلاۋعا قاتىسۋعا نيەت ءبىلدىردى.
حاسەن قوجاحمەت الداعى سايلاۋعا بايلانىستى ءوز باعدارلاماسىنا كەلەسى تولىقتىرۋلار ەنگىزدى:
– مەن 2022 جىلعى قاڭتارداعى قاندى قىرعىندى كىم جانە نە ءۇشىن ۇيىمداستىرعانىن حالىققا ايتۋعا دايىنمىن. وسى قايعىلى وقيعاعا بايلانىستى تۇتقىندالىپ، سوتتالعان ادامدار بوساتىلىپ، تولىق اقتالۋى كەرەك!
- ءوز كوزقاراستارىن بىلدىرگەنى ءۇشىن سوتتالعان ازاماتتار (ميتينگتەردە جانە باق-تا جانە ت.ب.) دەرەۋ اقتالىپ، مەملەكەتتەن مورالدىق زالال ءۇشىن وتەماقى الۋى ءتيىس.
– ەشبىر ەلدە "جاپپاي تارتىپسىزدىكتەر ءۇشىن" ازاماتتاردى ۇزاق مەرزىمگە باس بوستاندىعىنان ايىرمايدى، ويتكەنى ولاردىڭ ارەكەتتەرىن ناقتىلاۋ مۇمكىن ەمەس. قازاقستان حالقىن قورقىتۋ ءۇشىن 2006 جىلى "شاڭىراق وقيعاسى" بويىنشا ارون اتابەك، ەرقانات تارانشيەۆ، قۇرمانعازى وتەگەنوۆ جانە رۇستەم تۇياقوۆ جازىقسىز سوتتالدى. ولاردى اقتاۋ كەرەك!
– قازاقستان "نارىقتىق ەكونوميكاعا" كوشۋ تۋرالى مالىمدەدى، بىراق ەشقانداي باسەكەگە تۇسپەي، وليگارح-كاپيتاليست رەتىندە تەك تۇڭعىش پرەزيدەنت پەن ونىڭ تۋىستارى تانىلعانىنا كۋا بولدىق. بيلىكتەگى كلاننىڭ مۇنداي زاڭسىزدىعىن توقتاتۋ ءۇشىن ەلدەگى بارلىق ءىرى كاسىپورىنداردى مەملەكەت مۇلىگىنە اينالدىرىپ، ادامدارعا تەك شاعىن جەكە كاسىپكەرلىكپەن اينالىسۋعا رۇقسات بەرۋ كەرەك، مەن بۇل تۋرالى 1973 جىلى ۇسىنىس تاستاعان بولاتىنمىن.
- ن.نازارباەۆ كلانى باسىپ العان جەرلەردى دەرەۋ جەرگىلىكتى حالىققا قايتارۋ كەرەك. قازاقستان بيلىگى وكىلدەرىنىڭ زاڭسىزدىعىنان تۋىنداعان باسقا دا پروبلەمالار مەن ولاردان ارىلۋ جولدارى تۋرالى حالىقپەن كەزدەسكەن كەزدە ايتامىن. جاسا، قازاق ەلى!", - دەپ حابارلاندى ارون اتابەكتىڭ فب-تەگى پاراقشاسىندا.
"ادىرنا" ۇلتتىق پورتالى
