Qoǧam qairatkerı Hasen Qojahmet QR prezidenttıgıne ümıtker bolǧysy keletının mälımdedı. Būl turaly Aron Atabektıŋ feisbuk paraqşasynda habarlandy, dep jazady "Adyrna" ūlttyq portaly.
«Azat» qozǧalysynyŋ jäne «Qazaq elı» koalisiiasynyŋ töraǧasy Qoja-Ahmet Hasen Kärımjanūly 2022 jylǧy qaraşada ötetın prezidenttık sailauǧa qatysuǧa niet bıldırdı.
Hasen Qojahmet aldaǧy sailauǧa bailanysty öz baǧdarlamasyna kelesı tolyqtyrular engızdı:
– Men 2022 jylǧy qaŋtardaǧy qandy qyrǧyndy kım jäne ne üşın ūiymdastyrǧanyn halyqqa aituǧa daiynmyn. Osy qaiǧyly oqiǧaǧa bailanysty tūtqyndalyp, sottalǧan adamdar bosatylyp, tolyq aqtaluy kerek! - Öz közqarastaryn bıldırgenı üşın sottalǧan azamattar (mitingterde jäne BAQ-ta jäne t.b.) dereu aqtalyp, memleketten moraldyq zalal üşın ötemaqy aluy tiıs. – Eşbır elde "jappai tärtıpsızdıkter üşın" azamattardy ūzaq merzımge bas bostandyǧynan aiyrmaidy, öitkenı olardyŋ äreketterın naqtylau mümkın emes. Qazaqstan halqyn qorqytu üşın 2006 jyly "Şaŋyraq oqiǧasy" boiynşa Aron Atabek, Erqanat Taranşiev, Qūrmanǧazy Ötegenov jäne Rüstem Tūiaqov jazyqsyz sottaldy. Olardy aqtau kerek! – Qazaqstan "naryqtyq ekonomikaǧa" köşu turaly mälımdedı, bıraq eşqandai bäsekege tüspei, oligarh-kapitalist retınde tek Tūŋǧyş Prezident pen onyŋ tuystary tanylǧanyna kuä boldyq. Bilıktegı klannyŋ mūndai zaŋsyzdyǧyn toqtatu üşın eldegı barlyq ırı käsıporyndardy memleket mülıgıne ainaldyryp, adamdarǧa tek şaǧyn jeke käsıpkerlıkpen ainalysuǧa rūqsat beru kerek, men būl turaly 1973 jyly ūsynys tastaǧan bolatynmyn. - N.Nazarbaev klany basyp alǧan jerlerdı dereu jergılıktı halyqqa qaitaru kerek. Qazaqstan bilıgı ökılderınıŋ zaŋsyzdyǧynan tuyndaǧan basqa da problemalar men olardan arylu joldary turaly halyqpen kezdesken kezde aitamyn. Jasa, Qazaq elı!", - dep habarlandy Aron Atabektıŋ fb-tegı paraqşasynda.
"Adyrna" ūlttyq portaly
