باستى بەت
قوعام
ءدىن ماسەلەلەرى جونىندەگى كۋرس ءوتتى

ءدىن ماسەلەلەرى جونىندەگى كۋرس ءوتتى

12.10.2018

2396

2018 جىلدىڭ 5 قازانىندا قاراعاندى قالاسىندا (قازاقستان رەسپۋبليكاسى قوعامدىق دامۋ مينيسترلىگىنىڭ قولداۋىمەن «ازاماتتىق باستامالاردى قولداۋ ورتالىعى» كەاق-نىڭ مەملەكەتتىك گرانتى اياسىندا) «پاراسات» كەڭەس بەرۋ-ادىستەمەلىك ورتالىعى» مەكەمەسى ۇيىمداستىرعان «ءدىن ماسەلەلەرى جونىندەگى اقپاراتتىق-ءتۇسىندىرۋ توبى مۇشەلەرىن دايارلاۋ جانە قايتا دايارلاۋ جۇمىستارىن ۇيىمداستىرۋ» گرانتى اياسىندا اقپاراتتىق-ءتۇسىندىرۋ توپتارىنىڭ ءار ءتۇرلى دەڭگەيدەگى مۇشەلەرىن وقىتۋ كۋرسى اياقتالدى.
كۋرسقا شىعىس قازاقستان، پاۆلودار، قاراعاندى وبلىستارىنىڭ اقپاراتتىق-ءتۇسىندىرۋ توپتارىنىڭ 100 مۇشەسى قاتىستى. سەرتيفيكاتتار مەن قر قوعامدىق دامۋ مينيسترلىگى قوعامدىق كەلىسىم كوميتەتىنىڭ «وڭىرلىك ءدىن ماسەلەلەرى جونىندەگى اقپاراتتىق-ءتۇسىندىرۋ توبىنىڭ مۇشەسى» دەگەن ارنايى كۋالىگىن قوعامدىق كەلىسىم كوميتەتىنىڭ باسقارما باسشىسى م.قاراباەۆا تابىستادى. بارلىعى 37 كۋرس تىڭداۋشىسى كۋالىك يەگەرلەرى اتاندى.
ارنايى كۋالىكتى يەلەنۋ تالاپتارى:
وڭىرلىك اقپاراتتىق-ءتۇسىندىرۋ توپتارىنىڭ قۇرامىندا 1 جىلدان 3 جىلعا دەيىنگى جۇمىس تاجىريبەسىنىڭ بولۋى;
جەرگىلىكتى قۇزىرلى مەملەكەتتىك ورگاننىڭ ۇسىنىسى;
اتتەستاتسيالىق تەستىلەۋدىڭ قورىتىندىسى;
كۋرس بارىسىندا تاجىريبەلىك جۇمىستارىن تىڭدارماندار مەن ساراپشىلاردىڭ باعالاۋى;
كەلەسى ايماقتىق كۋرس 2018 جىلدىڭ 22-26 قازان ارالىعىندا ورال قالاسىندا وتكىزىلۋى جوسپارلانعان. بۇل كۋرسقا اتىراۋ، ماڭعىستاۋ، باتىس قازاقستان، اقتوبە وبلىستارىنىڭ ءدىن ماسەلەلەرى جونىندەگى اقپاراتتىق-ءتۇسىندىرۋ توبىنىڭ مۇشەلەرى شاقىرىلادى.

Facebook - парақшамызға жазылыңыз!