قايرات ساتىبالدى جازاسىن شىعىس قازاقستان وبلىسىنداعى كولونيادا وتەيتىن بولدى. بۇل تۋرالى قر ءىىم تجك ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
ەستەرىڭىزگە سالا كەتەيىك، 26 قىركۇيەك كۇنى استانا قالاسى بايقوڭىر اۋدانىنىڭ №2 سوتى قايرات ساتىبالدىنى التى جىلعا باس بوستاندىعىنان ايىرعان بولاتىن.
"ۇكىم جاريالانعاننان كەيىن 15 كۇن ىشىندە سوتتالۋشى نەمەسە ونىڭ قورعاۋشىلارى سوت شەشىمىنە شاعىمدانباسا، ول شىعىس قازاقستاندا ورنالاسقان وۆ-156/20 كولونياسىنا اۋىستىرىلادى. بۇل مەكەمە ارناۋلى جانە قۇقىق قورعاۋ ورگاندارىنىڭ بۇرىنعى قىزمەتكەرلەرىنە ارنالعان. وۆ-156/20 قىلمىستىق-اتقارۋ جۇيەسىنىڭ ورتاشا قاۋىپسىزدىكتەگى مەكەمەسى. سوتتالعان ادام اپەللياتسيالىق شاعىم تۇسىرسە، ونى قاراۋ مەرزىمىنە دەيىن تەرگەۋ يزولياتورىندا قالادى", - دەلىنگەن حابارلامادا.
"ادىرنا" ۇلتتىق پورتالى
