بۇل تۋرالى بۇگىن اقپاراتتىق-كوممۋنيكاتسيالىق ورتالىعى الاڭىندا، شىمكەنت قالاسىنىڭ ادىلەت دەپارتامەنتى باسشىسىنىڭ ورىنباسارى اينۇر يسابەكوۆا، مەملەكەت كەپىلدىك بەرگەن زاڭ كومەگىن كورسەتۋ ماسەلەلەرى جونىندەگى زاڭناماعا ەنگىزىلگەن وزگەرىستەر مەن تولىقتىرۋلار تۋرالى وتكەن ءباسپاسوز بريفينگىندە مالىمدەدى.
– وسىعان دەيىن بيۋدجەت قاراجاتى ەسەبىنەن كورسەتىلەتىن ازاماتتار ءۇشىن تەگىن زاڭگەرلىك كومەكتى ادۆوكاتتار عانا كورسەتسە، ەنگىزىلگەن زاڭنامالىق وزگەرىستەرگە سايكەس، زاڭ كونسۋلتانتتارىنا دا وسىنداي مۇمكىندىك بەرىلىپ وتىر. قازىرگى تاڭدا جالپى شىمكەنت قالاسى بويىنشا تىركەلگەن 459 ادۆوكاتتىڭ ىشىندە 119 ادۆوكات مەملەكەت كەپىلدىك بەرەتىن زاڭ كومەگىن كورسەتسە، ەندى 1 119 زاڭ كەڭەسشىسى وسى باعىتتا جۇمىس اتقاراتىن بولادى، - دەدى اينۇر اقجىگىتقىزى.
سپيكەردىڭ سوزىنشە، 2021 جىلى شىمكەنت قالاسىنىڭ ادۆوكاتتارى مەملەكەتتىك بيۋدجەت ەسەبىنەن ازاماتتار ءۇشىن تەگىن كورسەتىلەتىن زاڭگەرلىك كومەك شەڭبەرىندە 8 624 تۇلعاعا قىزمەت كورسەتسە، اعىمداعى جىلدىڭ وتكەن كەزەڭىندە – 7 742 تۇلعاعا زاڭ كومەگىن كورسەتتى.
ادۆوكاتتار قىلمىستىق، اكىمشىلىك جانە ازاماتتىق ىستەر شەڭبەرىندە وكىلدىك ەتۋ مەن قورعاۋدى جۇزەگە اسىرادى، سونداي-اق قۇقىقتىق كونسۋلتاتسيا بەرۋ تۇرىندە، ونىڭ ىشىندە قۇقىقتىق سيپاتتاعى وتىنىشتەر، شاعىمدار مەن قۇجاتتاردى جاساۋعا كومەكتەسەدى.
ققۇقىقتىق كەڭەس بەرۋ تۇرىندە مكزك:
1. جەكە تۇلعالارعا اليمەنت ءوندىرۋ، زەينەتاقى جانە جاردەماقى تاعايىنداۋ، وڭالتۋ، بوسقىن نەمەسە قانداس مارتەبەسىن الۋ ماسەلەلەرى بويىنشا;
2. جىنىستىق زورلىق-زومبىلىقتىڭ، ادام ساۋداسىنىڭ، لاڭكەستىك اكتىنىڭ قۇرباندارى نەمەسە وسى مارتەبەگە نەمەسە جاعدايعا بايلانىستى قۇقىقتارى مەن زاڭدى مۇددەلەرىن قامتاماسىز ەتۋ جانە قورعاۋ ماسەلەلەرى بويىنشا ازاپتاۋعا ۇشىراعاندار;
3. اسىراۋشىسىنىڭ قايتىس بولۋىنا بايلانىستى كەلتىرىلگەن زياندى وتەۋ ماسەلەلەرى بويىنشا جەكە تۇلعالار;
4. ەڭبەكپەن بايلانىستى دەنساۋلىعىنا كەلتىرىلگەن زيان نەمەسە قىلمىستىق قۇقىقبۇزۋشىلىقپەن كەلتىرىلگەن زياندى وتەۋ ماسەلەلەرى بويىنشا جەكە تۇلعالارعا;
5. ۇلى وتان سوعىسىنا قاتىسۋشىلارعا جەڭىلدىكتەر بويىنشا تەڭەستىرىلگەن ۇلى وتان سوعىسىنا قاتىسۋشىلار، سونداي-اق باسقا مەملەكەتتەردىڭ اۋماعىنداعى سوعىس قيمىلدارىنىڭ ارداگەرلەرى، مەرزىمدى اسكەري مىندەتتىلەر، ءبىرىنشى جانە ەكىنشى توپتاعى مۇگەدەكتەر، جاسى بويىنشا زەينەتكەرلەر، كاسىپكەرلىك قىزمەتپەن بايلانىستى ەمەس ماسەلەلەر بويىنشا;
6. كاسىپكەرلىك قىزمەتپەن بايلانىستى ەمەس ماسەلەلەر بويىنشا كوپبالالى وتباسىلار;
7. كاسىپكەرلىك قىزمەتپەن بايلانىستى ەمەس ماسەلەلەر بويىنشا وبلىستاردا، رەسپۋبليكالىق ماڭىزى بار قالالاردا، بەلگىلەنگەن كەدەيلىك شەگىنەن تومەن (32 749 تگ) جان باسىنا شاققانداعى ورتاشا تابىسى از قامتىلعان ازاماتتار (وتباسىلار).
زاڭ كومەگى بيۋدجەت ەسەبىنەن كەلەسى ازاماتتىق ىستەر بويىنشا تولەنۋى مۇمكىن:
• اسىراۋشىسىنىڭ قايتىس بولۋىنان كەلتىرىلگەن زياندى وتەۋ تۋرالى;
• جۇمىسىنا بايلانىستى دەنساۋلىعىنىڭ زاقىمدانۋىنان كەلتىرىلگەن نە قىلمىستىق قۇقىق بۇزۋشىلىقپەن كەلتىرىلگەن زياندى وتەۋ;
• اتا-اناسىنىڭ قامقورلىعىنسىز قالعان كامەلەتكە تولماعانداردىڭ قۇقىقتارى مەن زاڭدى مۇددەلەرىن قامتاماسىز ەتۋگە جانە قورعاۋعا بايلانىستى داۋلار;
• كوپ بالالى وتباسىلارداعى بالالاردى كۇتىپ-باعۋعا اليمەنتتەردى ءوندىرىپ الۋ تۋرالى;
• تۇرمىستىق زورلىق-زومبىلىقتان جابىرلەنۋشىلەردىڭ قۇقىقتارى مەن زاڭدى مۇددەلەرىن قامتاماسىز ەتۋگە جانە قورعاۋعا بايلانىستى داۋلار بويىنشا;
• ۇلى وتان سوعىسىنىڭ قاتىسۋشىلارى، جەڭىلدىكتەرى بويىنشا ۇلى وتان سوعىسىنىڭ قاتىسۋشىلارىنا تەڭەستىرىلگەندەر، سونداي-اق باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى، مەرزىمدى اسكەري قىزمەتشىلەرى، ءبىرىنشى جانە ەكىنشى توپتارداعى مۇگەدەكتىگى بار ادامدار، جاسىنا بايلانىستى زەينەتكەرلەر بولىپ تابىلاتىن، كاسىپكەرلىك قىزمەتكە بايلانىستى ەمەس داۋلار بويىنشا;
• زاڭعا سايكەس اقتالعان ادامداردىڭ زياندى وتەۋى تۋرالى داۋلار بويىنشا.
اكىمشىلىك قۇقىق بۇزۋشىلىق تۋرالى ىستەر بويىنشا قورعاۋشىنىڭ ءىس جۇرگىزۋگە قاتىسۋى مىندەتتى، ەگەر:
• بۇل تۋرالى اكىمشىلىك جاۋاپتىلىققا تارتىلاتىن تۇلعا ءوتىنىش جاساسا;
• اكىمشىلىك جاۋاپتىلىققا تارتىلاتىن ادام دەنە نەمەسە پسيحيكالىق كەمىستىكتەرىنە بايلانىستى ءوزىنىڭ قورعالۋ قۇقىعىن ءوز بەتىنشە جۇزەگە اسىرا الماسا;
• اكىمشىلىك جاۋاپتىلىققا تارتىلاتىن تۇلعا ءىس جۇرگىزۋ جۇرگىزىلىپ جاتقان ءتىلدى بىلمەسە;
• اكىمشىلىك جاۋاپتىلىققا تارتىلاتىن تۇلعا كامەلەتكە تولماعان جاسىندا بولسا.
مەملەكەت كەپىلدىك بەرگەن زاڭ كومەگىن كورسەتۋ تۋرالى ءوتىنىش جاساعان تۇلعا:
- ءوزىنىڭ مەملەكەت كەپىلدىك بەرگەن زاڭ كومەگىن الۋ قۇقىعىن راستايتىن قۇجاتتاردى ۇسىنۋعا مىندەتتى;
- مەملەكەت كەپىلدىك بەرگەن زاڭ كومەگىن كورسەتۋ شارتتارىنا اسەر ەتەتىن ءمان-جايلاردىڭ وزگەرگەنى تۋرالى ۋاقتىلى حابارلاۋعا مىندەتتى;
- مەملەكەت كەپىلدىك بەرگەن زاڭ كومەگىن كورسەتۋ قاجەتتىگى نەگىزدەلگەن اقپاراتتىڭ انىقتىعىن قامتاماسىز ەتۋگە مىندەتتى.
- تۇلعا قۇقىقتىق كونسۋلتاتسيا الۋدى "ە-زاڭ كومەگى" جۇيەسىندە ەلەكتروندىق تسيفرلىق قولتاڭبا قويۋ ارقىلى راستاۋى ءتيىس.
- قۇقىقتىق كونسۋلتاتسيا بەرۋ، ەگەر ءوتىنىش بەرۋشى ءجۇرىپ-تۇرۋىنداعى قيىندىقتارعا بايلانىستى اۋىر سىرقاتتىڭ، مۇگەدەكتىكتىڭ نەمەسە وزگە دە ءمان-جايلاردىڭ سالدارىنان قابىلداۋ ورنىنا كەلە الماسا، قۇقىقتىق كومەك ونىڭ تۇرعان جەرىندە جۇرگىزىلەدى.
سونىمەن قاتار، ازاماتتار ادۆوكاتتىڭ نەمەسە زاڭ كەڭەسشىنىڭ كومەگىنە ارنايى اقپاراتتىق جۇيە ارقىلى جۇگىنە الادى. ول ءۇشىن www.eup.kz سايتىنا كىرىپ، «قىزمەتتەر» بولىگىن تاڭداپ، «زاڭگەردى تابۋ» باعاناسى ارقىلى قاجەتتى كريتەريلەردى تولتىرىپ، «مەنىمەن بايلانىس» سىلتەمەسىنە ءوتۋى كەرەك. از ۋاقىت ىشىندە ازاماتپەن كەرى بايلانىس ورناتىلادى. ءدال وسى سايتتا «ونلاين كەڭەسكە» دە جۇگىنۋگە بولادى. قىزمەتتىڭ بۇل ءتۇرى حات الماسۋ تۇرىندە كورسەتىلەدى.
سونداي-اق، زاڭ كەڭەسشىلەردىڭ تولىق ءتىزىمى قازاقستان رەسپۋبليكاسى ادىلەت مينيسترلىگىنىڭ سايتىندا ورنالاستىرىلعان.
ايتا كەتەيىك، ءبىر ماسەلە بويىنشا تۇلعا مەملەكەت كەپىلدىك بەرگەن زاڭ كومەگىن ءبىر ءىس بويىنشا ءبىر-اق رەت الا الادى.
