قازاقستان سىرتقى ىستەر مينيسترلىگى رەسەي پرەزيدەنتى ۆلاديمير ءپۋتيننىڭ استاناعا رەسمي ساپارمەن كەلەتىنىن راستادى، دەپ جازادى "ادىرنا" ۇلتتىق پورتالى inbusiness.kz-كە سىلتەمە جاساپ.
ء"يا، ءىس-ساپار راستالدى، مەن ايتقان بارلىق ءىس-شارالارعا پۋتين قاتىسادى: اوسشك، تمد، "ورتالىق ازيا-رەسەي", - دەدى سمادياروۆ دۇيسەنبىدە وتكەن بريفينگتە رەسەي پرەزيدەنتى ۆلاديمير پۋتين استاناداعى الداعى حالىقارالىق ءىس-شارالارعا قاتىسا ما دەگەن سۇراققا جاۋاپ بەرە وتىرىپ.
بۇعان دەيىن 13 قازاندا استانادا قاسىم-جومارت توقاەۆتىڭ توراعالىعىمەن ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ (اوسشك) VI ءسامميتى وتەتىنى حابارلانعان بولاتىن. فورۋم اياسىندا قازاقستان پرەزيدەنتى مەملەكەتتەر مەن ۇكىمەتتەردىڭ باسشىلارىمەن، سونداي-اق حالىقارالىق ۇيىمداردىڭ باسشىلارىمەن بىرقاتار ەكىجاقتى كەزدەسۋلەر وتكىزەدى.
14 قازاندا قازاقستان پرەزيدەنتى رەسپۋبليكانىڭ توراعالىعىمەن وتەتىن تاۋەلسىز مەملەكەتتەر دوستاستىعى (تمد) مەملەكەتتەرى باسشىلارى كەڭەسىنىڭ وتىرىسىنا قاتىسادى. سول كۇنى "ورتالىق ازيا - رەسەي" ءسامميتى وتەدى.
"ادىرنا" ۇلتتىق پورتالى
