Qazaqstan Syrtqy ister mınıstrligi Reseı prezıdenti Vladımır Pýtınniń Astanaǵa resmı saparmen keletinin rastady, dep jazady "Adyrna" ulttyq portaly inbusiness.kz-ke silteme jasap.
"Iá, is-sapar rastaldy, men aıtqan barlyq is-sharalarǵa Pýtın qatysady: AÓSShK, TMD, "Ortalyq Azııa-Reseı", - dedi Smadııarov dúısenbide ótken brıfıngte Reseı prezıdenti Vladımır Pýtın Astanadaǵy aldaǵy halyqaralyq is-sharalarǵa qatysa ma degen suraqqa jaýap bere otyryp.
Buǵan deıin 13 qazanda Astanada Qasym-Jomart Toqaevtyń tóraǵalyǵymen Azııadaǵy ózara is-qımyl jáne senim sharalary jónindegi keńestiń (AÓSShK) VI sammıti ótetini habarlanǵan bolatyn. Forým aıasynda Qazaqstan Prezıdenti memleketter men úkimetterdiń basshylarymen, sondaı-aq halyqaralyq uıymdardyń basshylarymen birqatar ekijaqty kezdesýler ótkizedi.
14 qazanda Qazaqstan Prezıdenti Respýblıkanyń tóraǵalyǵymen ótetin Táýelsiz Memleketter Dostastyǵy (TMD) memleketteri basshylary keńesiniń otyrysyna qatysady. Sol kúni "Ortalyq Azııa - Reseı" sammıti ótedi.
"Adyrna" ulttyq portaly
