Qazaqstanda salyqtyq eseptılıktı tapsyru merzımın būzǧany üşın qoldanylatyn aiyppūldar alynyp tastalady, dep habarlaidy "Adyrna" ūlttyq portaly Kursivke sıltep.
Būl turaly Ortalyq kommunikasiialar qyzmetınde ötken brifingte qarjy vise-ministrı Erjan Bırjanov habarlady.
Onyŋ aituynşa, deklarasiia uaqytynda tapsyrylmaǧan jaǧdaida ol nöldık körsetkışterı bar eseptılık retınde qabyldanady. Keiın salyq töleuşı eseptı kezeŋdegı naqty tabysy turaly derekterdı özı qaita engıze alady.
Vise-ministr sonymen qatar mülık jäne jer salyǧy boiynşa aǧymdaǧy tölemderdı esepteu, eger mındettemeler mölşerı 1 mln teŋgeden aspasa, jürgızılmeitının mälımdedı. Kölık salyǧyna qatysty esepter men deklarasiialar da endı talap etılmeidı. Būl salyq jol polisiiasynyŋ derekterı negızınde avtomatty türde esepteledı.
Jaŋa normalarǧa säikes salyqtyq eseptılıktıŋ sany 41-den 28-ge deiın qysqardy. Sondai-aq salyqtyq jeŋıldıkter qoldanylǧan jaǧdaida toltyryluy tiıs mındettı joldar engızıldı.
Vedomstvo mälımetınşe, būl özgerıster salyq organdarynyŋ jūmys jüktemesın azaitady. 2024 jyly eseptılıktı tapsyrmaǧany üşın 7,9 myŋ salyq töleuşı äkımşılık jauapkerşılıkke tartylǧan.
119 myŋ teŋgeden - 388 myŋ teŋgege deiın. Qyrǧyzstanda jalǧan aqparat taratqandarǧa aiyppūl salynady
