"پاۆلودار اكىمدىگى توقاەۆتان نە جاسىرىپ قويدى؟": قالا اكىمدىگى جەلىدە تارالعان ۆيدەوعا قاتىستى Adyrna.kz پورتالىنا تۇسىنىكتەمە بەردى.
ء"ماشھۇر ءجۇسىپ كوشەسىنىڭ بويىندا توستوي كوشەسىنەن مير كوشەسىنە دەيىنگى ۋچاسكەدە ماگيسترالدىق سۋ قۇبىرىن (d 500 مم) قايتا جاڭارتۋ جۇمىستارى جۇرگىزىلۋدە. بۇل 2021 جىلى باستالعان ەكى جىلدىق جوبا. اتالىمىش جۇمىستاردى ورىنداۋ اقاۋلاردىڭ ورىن الۋىن جانە سۋمەن جابدىقتاۋ جەلىلەرىنىڭ توزۋ دەڭگەيىن تومەندەتۋگە، سونداي-اق، اۋىز سۋدىڭ ساپاسىن جاقسارتۋعا مۇمكىندىك بەرەدى. جۇمىستاردى «اسكادي» جشس مەردىگەرلىك ۇيىمى جۇرگىزۋدە. جەر جۇمىستارىن جۇرگىزۋ كوزدەلەتىن جۇمىستاردى ورىنداۋ كەزىندە تۇرعىنداردىڭ قاۋىپسىزدىگى ءۇشىن مىندەتتى تۇردە قورشاۋلار قويىلادى. قازىرگى ۋاقىتتا جۇمىستار سوڭعى ساتىسىندا جانە تورايعىروۆ كوشەسى مەن م. ءجۇسىپ كوشەلەرىنىڭ قيىلىسىندا جۇرگىزىلۋدە. تورايعىروۆ كوشەسى قالانىڭ ماگيسترالدىق كوشەلەرىنىڭ ءبىرى بولىپ تابىلاتىندىقتان جانە ول ارقىلى كوپتەگەن قوعامدىق كولىكتەر وتەتىندىگىنە بايلانىستى اتالعان كوشەنىڭ جول بولىگىن جۇمىستار جۇرگىزىلەتىن جەردەن قورشاۋ تۋرالى شەشىم قابىلداندى. قورشاۋ باننەردى پايدالانىپ مەتالل قۇرىلىمنان جاسالعان. قازىر نىساندا قازىلعان ورىن قايتا تولتىرىلدى، قيىرشىق تاس اكەلىندى، ونى توسەۋ جانە تىعىزداۋ جۇمىستارى جۇرگىزىلۋدە. وسى جۇمىستاردان كەيىن بۇل ۋچاسكەدە اسفالتبەتون توسەمى قالپىنا كەلتىرىلەتىن بولادى. جۇمىستىڭ بارلىق كولەمى اياقتالعاننان كەيىن قورشاۋ الىنىپ تاستالادى", - دەپ حابارلادى پاۆلودار قالاسى اكىمدىگىنىڭ ءباسپاسوز قىزمەتى.
"ادىرنا" ۇلتتىق پورتالى
