"Pavlodar äkımdıgı Toqaevtan ne jasyryp qoidy?": Qala äkımdıgı jelıde taralǧan videoǧa qatysty Adyrna.kz portalyna tüsınıkteme berdı.
"Mäşhür Jüsıp köşesınıŋ boiynda Tostoi köşesınen Mir köşesıne deiıngı uchaskede magistraldyq su qūbyryn (d 500 mm) qaita jaŋartu jūmystary jürgızılude. Būl 2021 jyly bastalǧan ekı jyldyq joba. Atalymyş jūmystardy oryndau aqaulardyŋ oryn aluyn jäne sumen jabdyqtau jelılerınıŋ tozu deŋgeiın tömendetuge, sondai-aq, auyz sudyŋ sapasyn jaqsartuǧa mümkındık beredı. Jūmystardy «Askadi» JŞS merdıgerlık ūiymy jürgızude. Jer jūmystaryn jürgızu közdeletın jūmystardy oryndau kezınde tūrǧyndardyŋ qauıpsızdıgı üşın mındettı türde qorşaular qoiylady. Qazırgı uaqytta jūmystar soŋǧy satysynda jäne Toraiǧyrov köşesı men M. Jüsıp köşelerınıŋ qiylysynda jürgızılude. Toraiǧyrov köşesı qalanyŋ magistraldyq köşelerınıŋ bırı bolyp tabylatyndyqtan jäne ol arqyly köptegen qoǧamdyq kölıkter ötetındıgıne bailanysty atalǧan köşenıŋ jol bölıgın jūmystar jürgızıletın jerden qorşau turaly şeşım qabyldandy. Qorşau bannerdı paidalanyp metall qūrylymnan jasalǧan. Qazır nysanda qazylǧan oryn qaita toltyryldy, qiyrşyq tas äkelındı, ony töseu jäne tyǧyzdau jūmystary jürgızılude. Osy jūmystardan keiın būl uchaskede asfaltbeton tösemı qalpyna keltırıletın bolady. Jūmystyŋ barlyq kölemı aiaqtalǧannan keiın qorşau alynyp tastalady", - dep habarlady Pavlodar qalasy äkımdıgınıŋ baspasöz qyzmetı.
"Adyrna" ūlttyq portaly
