بۇرىنعى دەنساۋلىق ساقتاۋ ءمينيسترى ەلجان ءبىرتانوۆ سوت تالقىلاۋىندا كىناسىز ەكەنىن ايتىپ، تاعىلعان ايىپپەن كەلىسپەيتىنىن مالىمدەدى، دەپ حابارلايدى «ادىرنا» ءتىلشىسى.
ول تەك ءوزىنىڭ لاۋازىمدىق مىندەتتەرىن اتقارعانىن اتاپ ءوتتى. سونىمەن قاتار سوتتالۋشى حورۆاتيالىق كومپانيانىڭ باس مەردىگەرىنەن جاۋاپ الۋدى سۇرادى. الايدا سوت بۇل ءوتىنىشتى قاراستىرۋدان باس تارتتى.
«ءىس جان-جاقتى ەمەس، قىلمىستىڭ ەگجەيى-تەگجەيى جوق»،—دەدى ەكس مينيستر.
ەسكە سالساق، ەلجان ءبىرتانوۆ 2020 جىلدىڭ 3 قاراشاسىندا بيۋدجەت قاراجاتىن ىسىراپ ەتتى دەگەن كۇدىكپەن قاماۋعا الىنعان بولاتىن.
