بۇگىن شىمكەنتتەگى “قاجىمۇقان” اتىنداعى ورتالىق ستاديوندا شاھار باسشىسى م.ايتەنوۆ جانە قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ، فۋتبولدان ايەلدەر كوماندالارى اراسىنداعى قر چەمپيوناتىنىڭ جەڭىمپازى - «شىمكەنت» كومانداسىن قۇتتىقتادى.
«شىمكەنت» ايەلدەر فۋتبول كلۋبى رەسپۋبليكادا عانا ەمەس، الەمدىك كوشباسشىلاردىڭ بىرىنە اينالىپ ۇلگەردى.
قازىرگى تاڭدا ۋەفا-نىڭ ۇزدىك 20 كومانداسىنىڭ قاتارىندا. ەۋروپالىق فۋتبولدىڭ «بارسەلونا»، «باۆاريا»، «ليون»، «مانچەستەر سيتي» سەكىلدى الىپتارىمەن جاسىل الاڭدا تەڭدەي وينادى.
چەمپيوندار ليگاسىندا ءۇش مارتە 1/8 فينالىندا ويىنىن كورسەتتى. ولار الەمدىك ارەنادا قازاقستاننىڭ اتىنان تۋعان قالامىز شىمكەنتتى تانىتىپ، 12 مارتە ەل كۋبوگىندا دا توپ جاردى.
«شىمكەنت» كومانداسى كەزەكتى رەت قازاقستاننىڭ ۇزدىگى اتانىپ، قازاقستان چەمپيوناتىندا 11-ءشى رەت جەڭىمپاز دەپ تانىلىپ، رەكورد ورناتتى.
ءدال وسى كەزدە، بۇگىن، قازاقستان پرەمەر ليگاسىندا “ورداباسى” قاراعاندىنىڭ “شاحتەر” كومانداسىن ءوز الاڭىندا قابىلداپ، 1-0 ەسەبىمەن جەڭىسكە جەتتى.
