ەلوردا پوليتسەيلەرى بىرنەشە مارتە ۇرلىق جاساعان قىزدى قاراعاندىدا ۇستادى. جاس قىز قازاقستان اۋماعىندا بىرقاتار ۇرلىق جاسادى دەگەن كۇدىككە ءىلىندى. بۇل تۋرالى Polisia.kz حابارلادى، دەپ جازادى "ادىرنا" ۇلتتىق پورتالى.
25 جاستاعى كۇدىكتىنى استانا قالاسى بايقوڭىر اۋدانى پوليتسيا ءبولىمىنىڭ قىزمەتكەرلەرى قاراعاندىدا ۇستادى. تامىز ايىندا ەلوردا بازارىنىڭ اۋماعىندا بولعان كەزدە ساتىپ الۋشىنىڭ سومكەسىنەن 930 مىڭ تەڭگەسىن ۇرلاپ كەتكەن.
جابىرلەنۋشىنىڭ ايتۋىنشا، ۇرلىق الدىندا ول جەكە قاجەتتىلىكتەرى ءۇشىن نەسيە العان.
كۇدىكتى اينالاسىنداعىلارعا كۇدىك تۋدىرماۋ ءۇشىن حيدجاب كيىپ، ارەكەت ەتكەن.
ۇرلىق فاكتىلەرى بويىنشا قر قك 188-بابى (ۇرلىق) بويىنشا سوتقا دەيىنگى تەرگەۋ امالدارى جۇرگىزىلۋدە. تەرگەۋ بارىسىندا ۇستالعان ازاماتشانىڭ ەلدىڭ باسقا دا ايماقتارىندا ۇرلىق جاساعانى انىقتالدى. قازىرگى ۋاقىتتا ۇرى قاماۋعا الىندى.
"ادىرنا" ۇلتتىق پورتالى
