مەملەكەت باسشىسى قاسىم-جومارت توقاەۆ رەسەي فەدەراتسياسىنىڭ پرەزيدەنتى ۆلاديمير پۋتينگە قازاقستان رەسپۋبليكاسى مەن رەسەي فەدەراتسياسى اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىنا وراي قۇتتىقتاۋ حات جولدادى، دەپ حابارلايدى «ادىرنا» ءتىلشىسى.
– كەيىنگى ونجىلدىقتا ەكى مەملەكەت بەرىك دوستىق پەن تاتۋ كورشىلىككە، ورتاق تاريحي جانە رۋحاني قۇندىلىقتارعا نەگىزدەلگەن ستراتەگيالىق سەرىكتەستىك پەن شىنايى وداقتاستىق قاتىناس ورناتتى. قازاقستان مەن رەسەيدىڭ ۇلگىلى ىنتىماقتاستىعىنىڭ قازىرگى دەڭگەيى ءسىزدىڭ رەسەي مەملەكەتىنىڭ باسشىسى رەتىندەگى زور ۇلەسىڭىزدىڭ ارقاسىندا مۇمكىن بولدى.
رەسەي – قازاقستاننىڭ سەنىمدى ساۋدا-ەكونوميكالىق سەرىكتەسى، ەلىمىزدىڭ جەتەكشى ينۆەستورلارىنىڭ ءبىرى. ءارتۇرلى سالاداعى بىرلەسكەن ءىرى جوبالاردىڭ ءساتتى جۇزەگە اسىرىلۋى وڭىرارالىق ديالوگتىڭ كەڭەيۋىنە جانە جان-جاقتى ىنتىماقتاستىقتىڭ تەرەڭدەۋىنە ىقپال ەتەدى.
قازاقستان مەن رەسەي كوپجاقتى پلاتفورمالاردا، سونداي-اق ەۋرازيالىق كەڭىستىكتەگى ينتەگراتسيالىق بىرلەستىكتەر اياسىندا تىعىز ىنتىماقتاستىق ورناتقان. بۇل مەملەكەتتەردىڭ ۇزاق مەرزىمدى مۇددەلەرىنە ساي كەلەدى، – دەپ جازىلعان قۇتتىقتاۋ حاتتا.
