Memleket basşysy Qasym-Jomart Toqaev Resei Federasiiasynyŋ Prezidentı Vladimir Putinge Qazaqstan Respublikasy men Resei Federasiiasy arasyndaǧy diplomatiialyq qatynastardyŋ ornaǧanyna 30 jyl toluyna orai qūttyqtau hat joldady, dep habarlaidy «Adyrna» tılşısı.
– Keiıngı onjyldyqta ekı memleket berık dostyq pen tatu körşılıkke, ortaq tarihi jäne ruhani qūndylyqtarǧa negızdelgen strategiialyq serıktestık pen şynaiy odaqtastyq qatynas ornatty. Qazaqstan men Reseidıŋ ülgılı yntymaqtastyǧynyŋ qazırgı deŋgeiı Sızdıŋ Resei memleketınıŋ basşysy retındegı zor ülesıŋızdıŋ arqasynda mümkın boldy. Resei – Qazaqstannyŋ senımdı sauda-ekonomikalyq serıktesı, elımızdıŋ jetekşı investorlarynyŋ bırı. Ärtürlı saladaǧy bırlesken ırı jobalardyŋ sättı jüzege asyryluy öŋıraralyq dialogtyŋ keŋeiuıne jäne jan-jaqty yntymaqtastyqtyŋ tereŋdeuıne yqpal etedı. Qazaqstan men Resei köpjaqty platformalarda, sondai-aq euraziialyq keŋıstıktegı integrasiialyq bırlestıkter aiasynda tyǧyz yntymaqtastyq ornatqan. Būl memleketterdıŋ ūzaq merzımdı müddelerıne sai keledı, – dep jazylǧan qūttyqtau hatta.
