رەسپۋبليكا كۇنىنە وراي كومپوزيتورلار مەن اقىندار اراسىندا وتكەن بالالار ءانى مەن پوەزياسىنا ارنالعان (اندەر، پوەمالار، ولەڭدەر) «جاس ورەن» رەسپۋبليكالىق بايقاۋىنىڭ قورىتىندىسى شىقتى، دەپ حابارلايدى "ادىرنا" ۇلتتىق پورتالى.
قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن ۇيىمداستىرىلعان كونكۋرس 2022 جىلدىڭ 15 شىلدەسى مەن 15 قازانى ارالىعىندا ءوتتى.
پرەزيدەنت جاريالاعان بيىلعى بالالار جىلىندا وتكىزىلگەن ءمانى زور بۇل جوبانىڭ باستى ماقساتى – بالالارعا ارنالعان وتاندىق شىعارمالاردى دارىپتەۋ، بالالار اندەرى مەن ولەڭدەرىنىڭ رەپەرتۋارىن تولىقتىرۋ، سونداي-اق ەلىمىزدەگى بالالار كومپوزيتورلارى مەن اقىنداردىڭ شىعارمالارىن بالا-باقشالار مەن مەكتەپتەرگە، بالالاردىڭ مۋزىكا مەكەمەلەرىنە، سونداي-اق شالعايداعى اۋىلدىق كىتاپحانالارعا دەيىن قولجەتىمدى قىلۋ ارقىلى رۋحاني-ادامگەرشىلىك قۇندىلىقتاردى ناسيحاتتاۋ.
بۇل رەتتە، وتانعا قىزمەت ەتۋ، ەل مەن جەرگە دەگەن جوعارى پاتريوتتىق سەزىمدى قالىپتاستىراتىن ونەر تۋىندىلارىن شىعارۋ جانە وسى ارقىلى ۇلتتىق رۋحانياتقا ۇلەس قوسقىسى كەلەتىن وتاندىق اۆتورلاردى قولداۋدىڭ ماڭىزى زور.
قاتىسۋشىلاردىڭ كاسىبي بىلىگى مەن جاس ەرەكشەلىكتەرىنە شەكتەۋ قويىلماعان اتالعان كونكۋرس جوعارى باسەكەگە تولى، تارتىستى ءوتتى.
«QAZAQSTAN» تەلەارناسى ارقىلى كورسەتىلگەن كونكۋرس تۋرالى حابارلاما – مەكتەپ وقۋشىلارىنان باستاپ اعا بۋىننىڭ وكىلدەرىنە دەيىنگى قاتىسۋشىلاردىڭ زور قىزىعۋشىلىعىن تۋدىردى (بارلىعى 405 ءوتىنىش).
بۇنداي قۇبىلىس – قوعامنىڭ رۋحاني-ادامگەرشىلىك تۇرعىسىنداعى ءوسۋى مەن ءوزىن-ءوزى دامىتۋدىڭ كەڭ ەتەك الىپ كەلە جاتقانىن كورسەتسە كەرەك.
بايقاۋعا ۇسىنىلعان 204 شىعارمانىڭ 133 – پوەزيا، 71 ء–ان جانرىندا بولدى. بايقاۋدىڭ قازىلار القاسى قۇرامىنا ەڭبەك سىڭىرگەن بەلگىلى مادەنيەت پەن ونەر جانە قوعام قايراتكەرلەرى، مەملەكەتتىك ۇيىم وكىلدەرى كىردى.
«جاس ورەن» رەسپۋبليكالىق بايقاۋىنىڭ لاۋرەاتتارى مەن ديپلومانتتارىن ماراپاتتاۋ ءراسىمى ەلىمىزدىڭ تاۋەلسىزدىك كۇنىنە ارنالعان مەرەكەلىك گالا-كونتسەرتتە وتەدى دەپ جوسپارلانۋدا.
اتالعان شارا بارىسىندا جينالعان جۇرتشىلىق كونكۋرس لاۋرەاتتارى مەن ديپلومانتتارىنىڭ شىعارمالارىمەن تانىسا الادى.
«جاس ورەن» رەسپۋبليكالىق كونكۋرسىنىڭ جەڭىمپازداردى
گران-پري
دەحگاني ەلميرا يساحانقىزى – قۇرمانعازى اتىنداعى الماتى مەملەكەتتىك كونسەرۆاتورياسى حور ديريجەرلەۋ ءبولىمىنىڭ تۇلەگى. "تانداۋ" كومپانياسىنداعى مۋزىكالىق پروديۋسەر، كومپوزيتور (الماتى قالاسى)
«بالالارعا ارنالعان ءان» نوميناتسياسى بويىنشا
I-ورىن
ءابدىنۇروۆ ءالىبي - قازاق ۇلتتىق ونەر ۋنيۆەرسيتەتى كومپوزيتسيا كافەدراسىنىڭ اعا وقىتۋشىسى. قازاقستان جاستار وداعىنىڭ «سەرپەر» (2009), قر «دارىن» مەملەكەتتىك جاستار سىيلىقتارىنىڭ لاۋرەاتى. كومپوزيتور، ديريجەر، مۋزىكاتانۋشى (استانا قالاسى).
II – ورىن
رىسپانبەتوۆ سامات باقىتجانۇلى – الماتى قالاسىنداعى چايكوۆسكي اتىنداعى مۋزىكالىق كوللەدجگە «ساكسوفونشى» ماماندىعى جانە ت.جۇرگەنوۆ اتىنداعى ونەر اكادەمياسىن بىتىرگەن. سازگەرلىكپەن قاتار، كاسىبي تۇردە ارانجيروۆكا جاساۋمەن اينالىسادى. «نۇر-مۇقاسان» توبى قۇرعان Style BR توبىندا ونەر كورسەتكەن ، 2013 جىلدان بەرى جەكە ءانشى رەتىندە جۇمىس ىستەۋدە (الماتى قالاسى).
II – ورىن
بەكجان قايراتۇلى - «باقجۇلدىز» مەديا ورتالىعىنىڭ ۆوكال ءبولىمىنىڭ ۇستازى (جەتىسۋ وبلىسى، تالدىقورعان قالاسى).
III – ورىن
ەسەباەۆ باۋىرجان ارالبەكۇلى – قوجا احمەت ياسساۋي اتىنداعى قازاق تۇرىك مەملەكەتتىك ۋنيۆەرسيتەتىنىڭ «زاڭگەرلىك» فاكۋلتەتىنىڭ تۇلەگى. قازاقستان رەسپۋبليكاسىنىڭ مادەنيەت قايراتكەرى، «قۇرمەت» وردەنىنىڭ يەگەرى، اقىن، سازگەر، پروديۋسەر (الماتى وبلىسى، جامبىل اۋدانى).
III – ورىن
دوسپاي نۇريسلام مارلەنۇلى - قازاق ۇلتتىق ونەر ۋنيۆەرسيتەتى مەكتەبى، 9-سىنىپ. كلاسس – ترۋبا (استانا قالاسى).
ديپلومانت
كاپلۋن ولگا يۋرەۆنا - 1994 جىلى ءال-فارابي اتىنداعى شىمكەنت پەداگوگيكالىق مادەنيەت ينستيتۋتىنىڭ مۋزىكا-پەداگوگيكا فاكۋلتەتىن بىتىرگەن. 1994 جىلدان باستاپ № 9. ءو. ا. جولداسبەكوۆ اتىنداعى IT - ليتسەيدە مۋزىكاپانىنىڭ مۇعالىمى بولىپ جۇمىس جاسايدى (شىمكەنت قالاسى).
ديپلومانت
تاني ايسۇلۋ باقىتقىزى - 2000 جىلى جالپى ءبىلىم بەرەتىن مەكتەپتىڭ 9 سىنىبىن ءبىتىرىپ، مۇقان تولەباەۆ اتىنداعى سەمەي مۋزىكالىق كوللەدجىنىڭ 1 كۋرسىنا "مۋزىكا تەورياسى"ماماندىعى بويىنشا وقۋعا تۇسكەن. 2002 جىلى كوللەدجدىڭ ەكىنشى كۋرسىنان باستاپ قازاق ۇلتتىق مۋزىكا اكادەمياسىنىڭ مامانداندىرىلعان مەكتەبىنىڭ 10 سىنىبىنا اۋىسىپ، استاناعا كوشكەن. 2002 جىلى 12 سىنىپتى ءبىتىرىپ، قازاق ۇلتتىق مۋزىكا اكادەمياسىنىڭ باكالاۆرياتىنا وقۋعا تۇسكەن (استانا قالاسى).
ديپلومانت
ساقاي قۇرمەت – قۇرمانعازى اتىنداعى الماتى مەملەكەتتىك كونسەرۆاتورياسىنىڭ وركەستر فاكۋلتەتىنە وقۋعا ءتۇسىپ ونى 1979 جىلى «بايان» اسپابى بويىنشا بىتىرگەن. حالىقارالىق كونكۋرستىڭ جانە كومپوزيتورلارعا ارنالعان رەسپۋبليكالىق كونكۋرستاردىڭ لاۋرەاتى. قازاقستان كومپوزيتورلار وداعىنىڭ مۇشەسى. «بالداۋرەن» روسو-نىڭ ءانۇرانىنىڭ كومپوزيتورى (استانا قالاسى).
«بالالار پوەزياسى» نوميناتسياسى بويىنشا
I-ورىن
بايبۇلانوۆا جادىرا – «حابار24» ارناسى باعدارلامالار ءبولىمىنىڭ اعا رەداكتورى (استانا قالاسى).
II – ورىن
حاسانوۆ سەرىكبول تىلەپبەرگەنۇلى – قازاقستان جازۋشىلار وداعىنىڭ مۇشەسى، رەسپۋبليكالىق «مۇنارا» گازەتىنىڭ باس رەداكتورى (استانا قالاسى).
II – ورىن
تىلەۋبەرگەنوۆ دوستىق جاقسىبايۇلى – 1984-1987 جىلدارى شىمكەنت قالاسىنىڭ ءا. قاستەەۆ اتىنداعى كوركەمسۋرەت ۋچيليششەسىندە وقىپ، اتالمىش وقۋ ورنىنىڭ جولداماسى بويىنشا جەزقازعان قالاسىنداعى قۋىرشاق تەاترىندا 1995 جىلدارعا دەيىن ەڭبەك ەتكەن. قازاقستان جازۋشىلار وداعىنىڭ مۇشەسى (قىزىلوردا وبلىسى، قارماقشى اۋدانى، ءدۇر وڭعار اۋىلى).
%20(1).jpg)
III – ورىن
ءالىمجانوۆ بايانعالي توقانۇلى – اقىن، جازۋشى، دراماتۋرگ، ايتىس اقىنى، جىرشى-جىراۋ، ماناسشى، كينورەجيسسەر، ستسەناريشى، اكتەر، سىنشى، ساتيريك، ادەبيەت پەن ونەر زەرتەۋشىسى، اۋدارماشى، بالالار اقىنى جانە بالالار جازۋشىسى، قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەن. (اقمولا وبلىسى)
.jpg)
III – ورىن
بەردالى ءنازيرا – ال-فارابي اتىنداعى قازاق مەملەكەتتىك ۇلتتىق ۋنيۆەرسيتەتى جۋرناليستيكا فاكۋلتەتىنىڭ تۇلەگى. قازاقستان جازۋشىلار وداعىنىڭ مۇشەسى، «اباي-تۆ» تەلەارناسىندا «ءساراسوز» باعدارلاماسىنىڭ جۇرگىزۋشىسى (استاناقالاسى).
ديپلومانت
حونج الپىسباي – س.تورايعىروۆ اتىنداعى پاۆلودار وبلىستىق كىتاپحاناسىنىڭ قىزمەتكەرى، قازاقستان جازۋشىلار وداعىنىڭ مۇشەسى، اقىن، جازۋشى، ساتيريك (پاۆلودار قالاسى).
ديپلومانت
احەتوۆ قۋات اديسۇلى – قىزىلوردا قالاسىنداعى «بولاشاق» ۋنيۆەرسيتەتىنىڭ جۋرناليستيكا فاكۋلتەتىن بىتىرگەن. قازاقستان جازۋشىلار وداعىنىڭ جانە قازاقستان جۋرناليستەر وداعىنىڭ مۇشەسى (قىزىلوردا وبلىسى، جالاعاش اۋدانى).
ديپلومانت
نامازشاموۆا ساعىنىش سابىرجانقىزى – ال-فارابي اتىنداعى قازمۇۋ-دىڭ جۋرناليستيكا فاكۋلتەتىنىڭ باكالاۆرىن (1997 ج.), ماگيستراتۋراسىن (1999 ج.) بىتىرگەن. شىعارماشىل جاستاردىڭ حالىقارالىق «شابىت» فەستيۆالىنىڭ جەڭىمپازى، مەملەكەتتىك ستيپەنديا يەگەرى (2015 ج.), قازاقستان جازۋشىلار وداعىنىڭ مۇشەسى (تالدىقورعان قالاسى).
"ادىرنا" ۇلتتىق پورتالى
