قر عىلىم جانە جوعارى ءبىلىم ءمينيسترى ساياسات نۇربەك شىعىس قازاقستان ۋنيۆەرسيتەتىنىڭ وقىتۋشىلارىمەن كەزدەسۋدە 23 مىڭ ستۋدەنت ۋكراينادان قازاقستاننىڭ جوعارى وقۋ ورىندارىنا اۋىسقىسى كەلەتىنىن ايتتى. بۇل تۋرالى Astana TV ارناسى حابارلادى، دەپ جازادى "ادىرنا" ۇلتتىق پورتالى.
“ۋكراينانىڭ مەديتسينالىق ۋنيۆەرسيتەتتەرىندە وقيتىن ۇندىستاندىق جانە پاكىستاندىق ستۋدەنتتەر ەلدەگى ساياسي جاعدايعا بايلانىستى ول جەردە وقي المايدى. سول سەبەپتى ولار قازاقستانعا كوشكىسى كەلەدى. ەندى ءبىز وعان نە ىستەيمىز، سول ويلاندىرادى”، – دەدى مينيستر.سونىمەن قاتار، رەسەي جوعارى وقۋ ورىندارىنىڭ شەتەلدىك ستۋدەنتتەرىنەن دە وسىنداي وتىنىشتەر كەلۋدە. ونىمەن قوسا، قازاقستانداعى مەديتسينالىق ۋنيۆەرسيتەتتەردە پروفەسسورلار دا ساباق بەرۋگە نيەت بىلدىرگەن.
ء“بىز اكادەميالىق ينفراقۇرىلىم تۋرالى بايىپتى ويلاۋىمىز كەرەك. ءبىز وسىنداي مولشەردە ادامداردى قابىلداي الامىز با، قابىلداعاننان كەيىن قالاي سىڭىسەدى، ونىڭ ءبارى تولعاندىرادى. بۇل قىسىم كۇشەيە تۇسەدى”، – دەدى عىلىم جانە جوعارى ءبىلىم ءمينيسترى.ول ماسەلەنى شەشۋ ءۇشىن تەك ۋنيۆەرسيتەتتەر عيماراتتارىنىڭ كەڭەيتۋ ەمەس، سونىمەن قاتار تسيفرلىق جوعارى وقۋ ورىندارىن دا كوبەيتۋ كەرەك ەكەنىن ءاتاپوتتى. ساياسات نۇربەكتىڭ ايتۋىنشا، مۇنداي وقۋ ورىندارىنىڭ ۇلگىلەرى ازىرلەنۋدە.
"ادىرنا" ۇلتتىق پورتالى
