QR ǧylym jäne joǧary bılım ministrı Saiasat Nūrbek Şyǧys Qazaqstan universitetınıŋ oqytuşylarymen kezdesude 23 myŋ student Ukrainadan Qazaqstannyŋ joǧary oqu oryndaryna auysqysy keletının aitty. Būl turaly Astana TV arnasy habarlady, dep jazady "Adyrna" ūlttyq portaly.
“Ukrainanyŋ medisinalyq universitetterınde oqityn ündıstandyq jäne päkıstandyq studentter eldegı saiasi jaǧdaiǧa bailanysty ol jerde oqi almaidy. Sol sebeptı olar Qazaqstanǧa köşkısı keledı. Endı bız oǧan ne ısteimız, sol oilandyrady”, – dedı ministr.Sonymen qatar, Resei joǧary oqu oryndarynyŋ şeteldık studentterınen de osyndai ötınışter kelude. Onymen qosa, Qazaqstandaǧy medisinalyq universitetterde professorlar da sabaq beruge niet bıldırgen.
“Bız akademiialyq infraqūrylym turaly baiypty oilauymyz kerek. Bız osyndai mölşerde adamdardy qabyldai alamyz ba, qabyldaǧannan keiın qalai sıŋısedı, onyŋ bärı tolǧandyrady. Būl qysym küşeie tüsedı”, – dedı ǧylym jäne joǧary bılım ministrı.Ol mäselenı şeşu üşın tek universitetter ǧimarattarynyŋ keŋeitu emes, sonymen qatar sifrlyq joǧary oqu oryndaryn da köbeitu kerek ekenın atapöttı. Saiasat Nūrbektıŋ aituynşa, mūndai oqu oryndarynyŋ ülgılerı äzırlenude.
"Adyrna" ūlttyq portaly
