رينات ريفحاتۇلى زايتوۆتىڭ باسشىلىعىنداعى «الاتاۋ» ءداستۇرلى ونەر تەاترى 23 قازاندا جۇلدىزبەك جۇمانبايدىڭ رەجيسسەرلىگىندەگى «ايمان-شولپان» مۋزىكالىق كومەدياسىمەن حالىق قاھارمانى، كسرو، قازاقستاننىڭ حالىق ءارتيسى، كسرو، قازاقستاننىڭ مەملەكەتتىك سىيلىعىنىڭ يەگەرى، كورنەكتى تەاتر جانە كينو رەجيسسەرى ءازىربايجان ءماديۇلى مامبەتوۆتىڭ 90 جىلدىق مەرەيتويىنا ارنالعان «TەاترALL» II حالىقارالىق فەستيۆالىنە قاتىستى.
فەستيۆالدى ۇيىمداستىرۋشىلار: قازاقستان رەسپۋبليكاسى مادەنيەت جانە سپورت مينيسترلىگى، استانا قالاسى اكىمدىگى، استانا قالاسى اكىمدىگىنىڭ «Nomad City Hall» مكقك ء(ازىربايجان مامبەتوۆ اتىنداعى مەملەكەتتىك دراما جانە كومەديا تەاترى). ماقساتى: رەجيسسەر ءازىربايجان مامبەتوۆتىڭ 90 جىلدىعىن مەرەكەلەۋگە، ونىڭ ەسىمىن ۇلىقتاۋعا، سونداي-اق رەجيسسەرلەر اراسىنان كاسىبي قولتاڭبالارى قالىپتاسقان ۇزدىك ساحناگەرلەردى انىقتاۋ.
ق. قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى، استانا قالاسىنىڭ «جاستار» تەاترى، سەمەي قالاسى «داريعا-اي» جاستار تەاترى، ت.ابدۋمومۋنوۆ اتىنداعى قىرعىز ۇلتتىق اكادەميالىق تەاترى، وزبەكستان رەسپۋبليكاسىنىڭ دجيزاك مۋزىكالىق تەاترى جانە ت.ب. ونەر كورسەتتى.
شارادا تەاترىمىزدىڭ ءارتيسى اسەت ەسجان الىبەك ءرولى بويىنشا «ەكىنشى پلانداعى ۇزدىك ەر ادام بەينەسى» نوميناتسياسى بويىنشا، ال «الاتاۋ» ءداستۇرلى ونەر تەاترىنىڭ ۇجىمى ارنايى ديپلوممەن ماراپاتتالدى.
سونداي-اق تەاترعا «تۇركسوي» حالىقارالىق تۇركى مادەنيەتى ۇيىمىنىڭ ارنايى سىيلىعى بۇيىردى. ديرەكتور رينات ريفحاتۇلى زايتوۆ «م.اۋەزوۆتىڭ 125 جىلدىعىنا» ارنالعان ارنايى توسبەلگىسىن يەلەندى.
قۇتتى بولعاي!
قۋانىش جۇمابەكۇلى
«الاتاۋ» ءداستۇرلى ونەر تەاترى ادەبيەت ءبولىمىنىڭ مەڭگەرۋشىسى
