الەۋمەتتىك جەلىدە تانىمال جۋرناليست، تەلەجۇرگىزۋشى ءلايلا سۇلتانقىزىنىڭ جولداسى قايرات بەركىنباەۆتىڭ ومىردەن وتكەنى تۋرالى سۋىر حابار تارادى، دەپ حابارلايدى "ادىرنا" ۇلتتىق پورتالى.
سۋىت حاباردى پروديۋسەر جان مۇقانوۆ ءوزىنىڭ Instagram پاراقشاسىندا جازدى.
"بۇگىن ءبىز جاقىن دوسىمىز بەركەنباەۆ قايرات شەرالىۇلىنان ايىرىلدىق. جۇرەگى توقتاپ قالدى. ەڭ جاقىن دوسىم ءارى ارىپتەسىم – ءلايلا سۇلتانقىزىنا كوڭىل ايتامىن. بەكەم بول، دوسىم. جاقسى ادام، كۇيەۋ، اكە جانە دوس بولىپ ەدى، جانى ءجانناتتا بولسىن", – دەپ جازدى جان مۇقانوۆ ءوزىنىڭ Instagram پاراقشاسىنا.
قايعىلى قازاعا ەكونوميست، بلوگەر داۋلەت مۇقاەۆ تە كوڭىل ايتتى.
"بۇگىن تاڭعى ۋاقىتتا قايرات بەركىنباەۆ دۇنيەدەن وزدى. قايرات اعانى بىرنەشە رەت كورگەنمىن. وتە بيازى، سابىرلى ادام ەدى. بەلدى كاسىپكەر، ءوز ءىسىنىڭ مامانى ەدى. ءارى تالاي قايىرىمدى ءىس جاساپ، قايىرىمدىلىقتىڭ جارشىسى بولىپ جۇرەتىن. از سويلەپ، كوپ ءىس تىندىراتىن. جانىڭىز ءجانناتتا بولسىن!
ءلايلا سۇلتانقىزى، بەكەم بولىڭىز! وتباسىمىزبەن قايعىرىپ كوڭىل ايتامىز", – دەپ جازدى داۋلەت مۇقاەۆ.
قايرات بەركىنباەۆ – كاسىپكەر، قازاقستان رەسپۋبليكاسى پرەزيدەنتى ءىس باسقارماسىنىڭ مەديتسينالىق ورتالىعى "وقجەتپەس" ەمدەۋ-ساۋىقتىرۋ كەشەنى اق پرەزيدەنتى. 2019 جىلى قازاقستاننىڭ تاۋەلسىزدىك كۇنى قارساڭىندا III دارەجەلى "بارىس" مەملەكەتتىك وردەنىمەن ماراپاتتالعان.
"مەن تۇرمىسقا شىققان كەزدە كۇيەۋىم اجىراسقان بولاتىن. ماعان دەيىن ونىڭ ەكى نەكەسى بولعان. بۇل تۋرالى بۇعان دەيىن دە ايتقانمىن، جاسىرمادىم. بۇل – تاعدىر. تۇرمىسقا شىققان كەزدە كۇيەۋىمنىڭ الدىڭعى نەكەدەن بالالارى بولدى. كىشى قىزى 5 جاستا، ۇلكەن ۇلدارى ءجاسوسپىرىم بولدى. بالالاردىڭ جانىنا جاراقات سالماۋ ءۇشىن مەنىڭ قوعامدىق ومىرىمدە كورسەتپەيتىن بولىپ كەلىستىك. بۇل دۇرىس شەشىم بولاتىن. بالالار ءوستى، ولارمەن جاقسى ارالاسامىز، قۇدا-قۇداعيدىڭ بارلىعىن تانيمىن", - دەگەن ەدى.
