فەيسبۋك الەۋمەتتىك جەلىسىندە سەرىك بوقان ەمىمدى ازاماتتىڭ جىلقى ەتىن جەۋدەن قازاق حالقىن ساقتاندىرعان جازباسى تاراعان ەدى. كوپشىلىكتىڭ اشۋىنا تيگەن جازباعا اۆتوردىڭ ءوزى تۇسىنىكتەمە بەردى، دەپ حابارلايدى “ادىرنا” ۇلتتىق پورتالى.
“جاقىندا Facebook پاراقشاما ءبىر پوست سالدىم. بۇل جازبا سونشا ادامنىڭ نازارىن اۋدارىپ سەنساتسيا تۋدىراتىنىن ويلاماپپىن. “ادىرنا” سايتىندا شىعىپ، ينستاگرام، كانالدارعا، ۆاتساپ توپتار مەن فەيسبۋكتىڭ 250 مىڭدىق توپتارىنىڭ ءبىرازىن ارالاپ شىققان. وندا وتىرعان جەلى قولدانۋشىلارىنىڭ كوبى جازعان ماقالاعا ەمەس، تاقىرىپقا عانا قاراعان، وقۋعا سابىرى جەتپەي مەنى ايىپتاي بەرگەن. ارينە، ولاردىڭ ءارىپ تانىپ تۇرىپ وقۋعا ىنتىقپاعانىنا مەن ايىپتى ەمەسپىن. مەنىڭ فەيسبۋكتاعى كەيىنگى بوياۋى قالىڭ جازبامدى كورگەن بولۋ كەرەك، سايتتىڭ جەتەكشىسى ارمان اۋباكىر باۋىرىمىز سايتقا ءوز ويىمدى قايتا جازۋدى قولدايتىنىن، باق ءتارتىبى بويىنشا بەيتاراپ كوزقاراس ۇستاناتىنىن ايتىپتى.
جىلقى ەتىن جەمەۋ تۋرالى قىتاي مەديتسيناسى، بەس مىڭ جىلدىق رەتسەپتى كورسەتىپ، ونى جەۋدەن قايتارعان جارتى ساعاتتىق ۆيدەوسىن كورىپ شوك بولدىم. سەبەبى، ءبىزدىڭ ەڭ سۇيكتى اس ءمازىرىمىز. تاعى دا ايتامىن: تۇتىنۋدان جىلقى ەتىن مەن قايتارعام جوق...
قۇداي-اۋ، مەن “جىلقى ەتىن جەمەڭدەر”، دەپ 10 ملن قازاققا اقىل ايتاتىنداي كىممىن؟ مەن دارىگەر بولماسام، تورەعالي شارمانوۆ سياقتى ۇلتتىق ازىق-تۇلىكتىڭ قۇرامىن زەرتتەۋشى عالىم بولماسام، مەن تەك ”مەديتسينا ماماندارى، لابوروتوريا ارقىلى ازىق قۇرامىن زەرتتەۋشىلەر سويلەپ، دالەلدەپ جاتقان سوڭ، سەندىم”، دەدىم. ءبىر نارسەگە سەنۋ قىلمىس ەمەس. سەبەبى، ناعىز عىلىمدا شەكاراعا شەكتەلۋ، ۇلتتىق تار شەڭبەرلىك، ناسىلدىك دوگما بولمايدى. ول ادامزاتقا ورتاق. ەگەر سول ۆيدەوداعى عالىم دارىگەردى ەستىسەڭىز، مەن ەمەس، سىز دە سەنىپ قالاسىز...”،- دەپ جازدى ول.
سونداي-اق، اۆتور كورگەن ۆيدەوسى ارابقا تۇك قاتىسى جوق، توتە جازۋ ەكەنىن دە ايتا كەتتى.
ء“وز كوزقاراسىمدى قاشاندا اشىق ايتامىن. مىسالى، “الداعى سايلاۋدا پرەزيدەنت بولۋعا توقاەۆتى قولدايمىن” دەگەن پوستىما ساناۋلى عانا لايك باسىلدى. قازىر جەلى قولدانۋشىلارى ءبىلىپ العان، بيلىككە قارسى ءسوز جازسا سۇراپىل لايك جيناپ، قولداۋعا يە بولاتىنىن.
اتالمىش شۋلى جازبادا قىتاي قازاعى قولداناتىن توتە جازۋ مەن قىتايشا سۋرەتتى ارابپەن شاتاستىرىپ، ءجونسىز ارابقۇل دەپ ايىپتاعاندار جازبانى تاعات قىلىپ وقىسىن دەمەكپىن. مۇنىڭ ارابپەن توزاڭداي قاتىسى جوق. قايتا قىتاي عالىمدارىنىڭ قورتىندىسى.
ال يسلامدا جىلقى ەتىن تۇتىنۋعا ەش شەكتەۋ جوق. وسى تاقىرىپ اياسىندا ءدىندى ارابپەن شاتاستىرىپ جاتاتىندار بار. بۇل ۇلكەن قاتەلىك، ءدىن الدىمەن جىندار الەمىنە، ودان كەيىن ادامزاتقا ءتۇستى. ءبىر قۇدايشىلمىن، اللاھقا سەرىك قوسپايمىن، قۇدايعا سەنەم، اللاھ تاراپىنان ۇلكەن ءبىر سوتتىڭ بولاتىنىن بىلەمىن، امال ەتەمىن، ەش سەرىگى جوق اللاھقا يمان كەلتىرگەم. اللاھتىڭ شەكسىز نىعىمەتتەرىن پايدالانىپ تۇرىپ قۇدايدىڭ بۇيىرىعىن ورىنداماۋ، ناماز وقىماۋ قىلمىس ەكەنىن بىلەمىن”،- دەدى جەلى بەلسەندىسى.
سونىمەن قاتار، ول بەكبولات تىلەۋحاندى قارالاپ جازاتىندارعا قاپالى.
“ەل جاقسىلارىن ۇنەمى ىستىككە ءشانشىپ جاتقان، ىسالى تۇتاس اقپارات بەكبولات تىلەۋحان اعامىزدى كۇندىز-ءتۇنى قارالاپ جاتادى. سول كىسىنىڭ سۋرەتىن قويۋ ارقىلى كانالدار مەن سايتتاردا وتپەيتىن اقپاراتتارىن تەلىپ جاتادى. اقيقاتىن ايتار بولساق، سول كىسىدەن زارداپ كورگەن ءبىر ادام بولسا، ماعان تاۋىپ بەرسىنشى؟ قايتا اراقتان، قۇمار ويندارىنان، سەنگىشتىكتەرىنەن، پارىقسىزدىقتان، ىزگىلىككە ۇمتىلماۋدان قورلىق كورىپ كەلە جاتقان جوقپىز با؟ الاۋىزدىقتان نە تاپتىق؟ كەرەگى جاقسىلىقتىڭ كوزىن قۇرتۋ بولسا قۇرتارسىڭ، بىراق مىنەزىڭدى قايتەرسىڭ؟!”،- دەپ قورىتىندىلادى.
