مەملەكەت باسشىسى قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا ەلىمىزدىڭ جولدارى ناشار ەكەنىن جانە جول قۇرىلىسى سالاسىن جەمقورلىق جايلاعانىن مالىمدەپ، اۆتوجول ينفراقۇرىلىمى سالاسىنداعى تۇيتكىلدەرگە ەرەكشە توقتالعان ەدى، دەپ جازدى «ادىرنا» ءتىلشىسى.
جولدار قىرىق جاماۋ دەگەن پرەزيدەنت قارا جولدىڭ ساپاسى مەن كەم-كەتىگىنە باس ءمان بەرۋ كەرەكتىگىن العا تارتتى.
قاسىم-جومارت كەمەلۇلى ۇنەمى نازارىنان تىس قالدىرمايتىن اۆتوجول ينفراقۇرىلىمىن جاقسارتۋ ءىسى الماتى قالاسىندا جولعا قويىلعان. ماسەلەن، جىل باسىنان باستاپ جالپى اۋدانى 28 مىڭ كۆ. مەتر بولاتىن 124 جول ۋچاسكەسىنە اعىمداعى (شۇڭقىر) جوندەۋ جۇرگىزىلدى، ۇزىندىعى 26,3 كم 21 كوشە ورتاشا جوندەۋدەن ءوتتى.
"سىزدەردىڭ وتىنىشتەرىڭىزدىڭ نەگىزىندە كوكجيەك شاعىناۋدانىندا تروتۋارلار مەن ارىقتارمەن بىرگە جولدارعا جوندەۋ جۇرگىزىلدى. قاراشا ايىنىڭ سوڭىنا دەيىن 2-گونچارنايا كوشەسىندە ورتاشا جوندەۋ اياقتالادى", - دەدى اكىم.
قالا اكىمى جول قاۋىپسىزدىگىن قامتاماسىز ەتۋ ماقساتىندا 29 مەكەنجايدا ۇزىندىعى 16,3 كم جاڭا تروتۋار سالىنعانىن ايتىپ ءوتتى. سونداي-اق ادامدار جۇرەتىن وتكەلدەردە 3 باعدارشام ورناتىلدى.
"تۇرعىنداردىڭ ءوتىنىش-تىلەكتەرىن ەسكەرە وتىرىپ، جەتىسۋ بازارىنان ادەم ساۋدا ۇيىنە دەيىن ۇزىندىعى 28 كم قۇرايتىن №138 جاڭا مارشرۋت ۇيىمداستىرىلدى. №46 مارشرۋت 1 كم-گە ۇزارتىلدى (كەمەل شاعىناۋدانىندا ەسىمحان كوشەسىنەن ارلان كوشەسىنە دەيىن) اۆتوبۋستار سانى 10-نان 12-گە كوبەيدى", - دەدى مەگاپوليس باسشىسى.
سونىمەن قاتار 8 مارشرۋتتىڭ (№40, 41, 70, 135, 52, 56, 69, 80) جىلجىمالى قۇرامى تولىق جاڭارتىلدى.
قىركۇيەك جانە قازان ايلارىندا جەتىسۋ اۋدانىندا 30 جاڭا ايالداما كەشەنى ورناتىلدى.
