مەكتەپ وقۋشىلارى قازاق ءتىلىنىڭ اياسىن كەڭەيتۋ ماقساتىندا جاڭا قوندىرعى ويلاپ تاپتى

2789
Adyrna.kz Telegram

اقتاۋ قالاسىنداعى نازارباەۆ زياتكەرلىك مەكتەبىنىڭ وقۋشىلارى احمەت قۋانتقان مەن راشيد تاشير الاش افوريزمدەرى ورناتىلعان ۇيالى تەلەفوندى قۋاتتايتىن «افوربوت» جوباسىن ويلاپ تاپتى.

جوبانىڭ ماقساتى - الاش افوريزمدەرى قوندىرعىسىن ورناتۋ ارقىلى كەز-كەلگەن ورتادا ۇيالى تەلەفوندى قۋاتتاۋ ارقىلى قازاق افوريزمدەرىنە دەگەن سۇرانىس پەن تاۋەلدىلىكتى ارتتىرا وتىرىپ, جالپى حالىقتىڭ سويلەۋ مانەرىن, ءتىل بايلىعىن, سوزدىك قورىن دامىتۋ, قازاق ءتىلىنىڭ اياسىن كەڭەيتۋ. قازاق حالقىنىڭ قاناتتى سوزدەرىن كۇندەلىكتى ومىردە قولدانۋ ارقىلى جاستاردى كوركەم سويلەۋگە تاربيەلەۋ.

-الاش زيالىلارىنىڭ ساياسي جانە رۋحاني كۇرەسىندەگى نەگىزگى ماقسات، وراسان مىندەت، ول ۇلتىمىزدى ۇيىستىرۋ، سول ارقىلى ەلدىگىمىزدى ايقىنداۋ دەسەك، وندا وسىنداي ۇلانعايىر ساۋاپتى ءىستىڭ اياسىندا انا ءتىلىمىزدى ساقتاۋ ماسەلەسى تۇردى. الاش قايراتكەرلەرىنىڭ ءىزىن جالعاۋ، انا ءتىلىمىزدىڭ جاڭا دەڭگەيگە شىعۋىنا ات سالىسۋ ءبىزدىڭ مىندەت. سول سەبەپتى دە وسى جوبانى دايىندادىق. عىلىمي جوبانىڭ باستى ماقساتى - الاش زيالىلارىن قوعامدا ناسيحاتتاۋ، ولاردىڭ ۇلاعاتتى سوزدەرىن ۇلت جاستارى بىلسە ەكەن دەگەن نيەت،- دەيدى جوبا اۆتورى راشيد تاشير

الماتى قالاسىندا وتكەن «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى فيليالدارىنىڭ وقۋشىلارى اراسىندا جالپى ءبىلىم بەرەتىن پاندەردەن جەلىلىك عىلىمي جوبالار بايقاۋىندا «افوربوت» جوباسى ۇزدىك دەپ تانىلىپ, ءبىرىنشى ورىندى يەلەندى. سونداي اق  زياتكەرلىك مەكتەپ وقۋشىلارى  ۇلتتىق زياتكەرلىك مەنشىك ينستيتۋتىنىڭ شەشىمىنە سايكەس «افوربوت» قوندىرعىسىنا اۆتورلىق قۇقىق العان بولاتىن.

-  ۇيالى تەلەفون قۋاتتايتىن «افوربوت» قۇرىلعىسىن قوعامدىق ورىنداردا، اشىق الاڭداردا، پاركتەردە، اۆتوبۋس بەكەتتەرىندە قويۋجوسپاردا. ءدال قازىر وسى جوبانى جۇزەگە اسىرۋ ماقساتىندا اۆتورلىق قۇقىققا يە بولدىق،- دەيدى احمەت قۋانتقان.

-​ۇلت ۇستازى احمەت بايتۇرسىنۇلى «ءوز تىلىمەن سويلەسكەن، ءوز تىلىمەن جازعان جۇرتتىڭ ۇلتتىعى ەش ۋاقىتتا، ادامى قۇرىماي، جوعالمايدى» دەمەكشى، بۇل جوبانىڭ قازاق ءتىلىنىڭ مارتەبەسىن ارتتىرىپ، ادەبي سويلەۋگە باعىتتار قادام بولارى ءسوزسىز،-دەيدى جوبا جەتەكشىسى، قازاق ءتىلى ءپانى مۇعالىمى ارۋ قورعانباەۆ

وقۋشىلار اتالعان جوبالارى ءۇشىن احمەت پەن راشيد  رەسپۋبليكا كۇنىنە وراي «اق جول» قازاقستان دەموكراتيالىق پارتياسى اتىنان ەلىنە ءمىنسىز قىزمەت ەتكەن الاش ارىسى, ۇستاز پەرۋاش كارىمۇلى قۇرمەتىنە شىعارىلعان «الاش قۇرباندارىنا تاعزىم» اتتى توسبەلگىسىمەن ماراپاتتالدى.

پىكىرلەر