اقتاۋدا پالمالار قۇلاي باستادى. تۇرعىندار جاعالاۋ بەلدەۋىندە باليۋسترادالاردىڭ بويىندا جاتقان جاساندى جاپىراقتاردى سۋرەتكە ءتۇسىرىپ جاتىر. بۇل تۋرالى Lada.kz باسىلىمى جاريالادى، دەپ حابارلايدى “ادىرنا” ۇلتتىق پورتالى.
قالا تۇرعىندارىنىڭ ايتۋىنشا، قاتتى جەلدىڭ سالدارىنان 15 شاعىن اۋداننىڭ جاعالاۋىنداعى كوپتەگەن جاساندى پالمالاردىڭ جاپىراقتارى جۇلىنىپ كەتكەن.
"جاپىراقسىز پالما اعاشى جۇپىنى بولىپ كورىنەدى. اۋا-رايى ءالى بۇزىلادى، جاعالاۋدىڭ ءسانى بولىپ تەك جالاڭاش دىڭدەر قالا ما؟،- دەپ شاعىمداندى ادەليا 5 شاعىن اۋدانىنىڭ تۇرعىنى.
كوپ پالمالاردا جاپىراقتاردىڭ باسىم بولىگى ءتۇسىپ قالعان.
ەسكە سالايىق، اقتاۋداعى 14-ءشى شاعىن اۋدانداعى العاشقى پالمالار 2019 جىلدىڭ اقپان ايىنىڭ ورتاسىندا پايدا بولدى. قالادا ءار 15 مەتر سايىن جاعالاۋ بويىمەن 100 پالما اعاشى ورناتىلدى. ارقايسىسىنىڭ بيىكتىگى – 11 مەتر.
