مەكتەپ فورماسىنا قويىلاتىن تالاپتارعا سايكەس كەلمەيتىن كيىممەن كەلگەن وقۋشىنى ساباققا كىرگىزبەۋگە بولمايدى، دەپ حابارلايدى "ادىرنا" ءتىلشىسى.
الايدا مۇنداي جاعدايدا اتا-اناسى اكىمشىلىك جاۋاپكەرشىلىككە تارتىلۋى مۇمكىن.
بۇل تۋرالى وقۋ-اعارتۋ ءبىرىنشى ۆيتسە-ءمينيسترى شىنار اقپاروۆا ايتتى.
ۆيتسە-ءمينيستردىڭ سوزىنشە، ء«بىلىم تۋرالى» زاڭعا سايكەس بالانى وقۋ پروتسەسىنەن شەتتەتۋگە جول بەرىلمەيدى. ءاربىر وقۋشى ساپالى ءبىلىم الۋعا قۇقىلى.
«سوندىقتان وقۋشى مەكتەپ فورماسىنا قويىلاتىن تالاپتارعا سايكەس كەلمەيتىن كيىممەن كەلسە دە، ونى مەكتەپكە كىرگىزبەۋگە بولمايدى»، – دەدى شىنار اقپاروۆا.
سونىمەن قاتار قولدانىستاعى زاڭناماعا سايكەس اتا-انالار ءبىلىم بەرۋ ۇيىمى بەكىتكەن مەكتەپ فورماسىنا قويىلاتىن تالاپتاردىڭ ساقتالۋىن قامتاماسىز ەتۋگە مىندەتتى.
ء«بىلىم تۋرالى» زاڭنىڭ 47-بابىندا وقۋشىلاردىڭ، ال 49-بابىندا اتا-انالاردىڭ قۇقىقتارى مەن مىندەتتەرى بەلگىلەنگەن. اتا-انالار ءبىلىم بەرۋ ۇيىمى بەكىتكەن مەكتەپ فورماسىنا قويىلاتىن تالاپتاردى ورىنداۋى قاجەت.
بۇل تالاپتاردى بۇزعان جاعدايدا اتا-انالارعا 5 اەك مولشەرىندە اكىمشىلىك ايىپپۇل قاراستىرىلعان. 2026 جىلى 1 اەك 4 325 تەڭگە بولعاندىقتان، ايىپپۇل كولەمى 21 625 تەڭگەنى قۇرايدى.
