وڭتۇستىك استاناداعى وڭدەۋ ونەركاسىبىندە ءوسىم 13,9%-دى كورسەتىپ وتىر. سونىمەن قاتار، جىل باسىنان بەرى جىل باسىنان بەرى قالا ەكونوميكاسىنا 930 ميلليارد جەكە ينۆەستيتسيا تارتىلىپ، مۇنداعى كورسەتكىشتەن وسىمنىڭ 20% - عا جۋىقتاعانىن بايقاۋعا بولادى. بۇل تۋرالى پرەزيدەنت قاسىم-جومارت كەمەلۇلى الماتى جۇرتشىلىعىمەن كەزدەسۋ بارىسىندا مالىمدەدى، دەپ حابارلايدى «ادىرنا» ءتىلشىسى.
قازىرگى تاڭدا شاھاردا كاسىپكەرلىك قارقىندى دامىپ كەلەدى-جىل باسىنان بەرى شاعىن جانە ورتا بيزنەس سۋبەكتىلەرىنىڭ سانى 30% - عا وسكەنىن بايقاۋعا بولادى. قالا تۇرعىندارىنىڭ باسىم بولىگى اتالمىش سالادا ەڭبەك ەتەدى.
ايتا كەتەيىك، بۇگىندە الماتىدا بارلىق ينۆەستيتسيالاردىڭ شامامەن 70% – ى تەك ءۇش سالاعا-جىلجىمايتىن مۇلىك، كولىك جانە ساۋداعا تيەسىلى.
مەملەكەت باسشىسىنىڭ ايتۋىنشا، ەكونوميكانىڭ تومەن ءارتاراپتاندىرىلۋى قالا تۇرعىندارىنىڭ تابىسىنىڭ ءوسۋىنىڭ باياۋلاۋىنا الىپ كەلەدى.
«قالا «ورتاشا تابىس تۇزاعىنا» ءتۇستى، ودان شىعۋ ءۇشىن ەكونوميكانى تەرەڭ ءارتاراپتاندىرۋ قاجەت. وڭدەۋ ونەركاسىبىن، ءتۋريزمدى، IT-سەكتوردى جانە كرەاتيۆتى يندۋستريالاردى دامىتۋعا باسا نازار اۋدارۋ قاجەت»،- دەدى پرەزيدەنت.
كەزدەسۋ بارىسىندا مەملەكەت باسىشىسى باسەكەلەستىكتى ىنتالاندىرۋ، ينۆەستيتسيالاردى تارتۋ جانە ەڭبەك ونىمدىلىگىن ايتارلىقتاي ارتتىرۋكەرەكتىگىن ەسكەرتتى.
«قالالىق جاعدايدا وڭدەۋ ونەركاسىبىن دامىتۋ پروتسەستەردى جوعارى اۆتوماتتاندىرۋمەن جانە تسيفرلاندىرۋمەن زاماناۋي ەكولوگيالىق جانەاكتام تەحنولوگيالاردى پايدالانا وتىرىپ جۇرگىزىلۋى ءتيىس. الماتىنىڭ يندۋستريالىق ايماعى مەن «الاتاۋ» يننوۆاتسيالىق تەحنولوگيالار پاركىنىڭ الەۋەتىن تولىق كولەمدە ىسكە اسىرۋ قاجەت. مۇندا 20 مىڭنان استام جۇمىس ورنىن قۇرۋمەن مىڭنان استام ءوندىرىستى ورنالاستىرۋ جوسپارلانۋدا»،- دەپ قورىتىندىلادى توقاەۆ.
