سپورتتاعى قانداستارىمىزدىڭ جات اعىمدارعا ىلەسكەندەرى جەتەرلىك. اۋىر بولسا دا، وسىنى مويىنداماسقا امالىمىز جوق. ءبارى دە رەنجۋلى، وكپەلى جىگىتتەر. ءبىر نارسەنى دالەلدەي الماي جۇرگەن، ىستەي الماي مازاسى قاشقان جىگىتتەر.
ەسى دۇرىس، وزىنە سەنىمدى ازامات ەشقاشان اعىمنىڭ ەسىگىن اشپايدى نەمەسە قاقپايدى.
راس، حانافي ءمازھابىن ۇستاناتىن جىگىتتەر دە كوپ. بىراق مەنىڭ بىلۋىمشە، جات اعىمدىقتار قارماعىنا تۇسىرەتىن جاندى الدايتىن كورىنەدى، قىزىقتىراتىن سياقتى، قاتارلارىنا تارتۋ ءۇشىن ەشتەڭەدەن تايىنبايتىن سياقتى.
ەرتەرەك وكىنىپ، دۇرىس جولىن تاۋىپ جاتقانداردا بار. الايدا، بەتى بەرى قارامايتىندار دا از ەمەس. ولاردىڭ ءبارى – السىزدەر!
دۇرىسى، ءتول ءدىنىمىزدىڭ جولىمەن، اتا-بابالارىمىزدىڭ وسيەتىمەن، قالىپ كەلە جاتقان تاريxي كۇندىلىقتارىمىزدى جوعالتپاي جۇرگەن ابزال. ارابتىڭ نەمەسە پارسىنىڭ ءداستۇرى مەن ءسوزىن بىزگە اكەلۋدىڭ تۇك تە كەرەگى جوق دەپ ەسەپتەيمىن جەكە وز باسىم. ءوزىمىزدىڭ ءتۇبى تەرەن، كەرەمەت تاريxىمىزدىڭ بارىندا، اتادان-بالاعا كەلە جاتقان ۇزىلمەگەن، ۇلتتىق سالت-ءداستۇرىمىز بەن انا سۇتىمەن كەلگەن، عاجايىپ وسىنداي ءوز انا ءتىلىمىز بارىندا، بىزگە ەشكىمگە ەلىكتەۋدىڭ كەرەگى جوق.
باقتيار ارتاەۆ،
وليمپيادا ويىندارىنىڭ جەڭىمپازى
