Sporttaǵy qandastarymyzdyń jat aǵymdarǵa ileskenderi jeterlik. Aýyr bolsa da, osyny moıyndamasqa amalymyz joq. Bári de renjýli, ókpeli jigitter. Bir nárseni dáleldeı almaı júrgen, isteı almaı mazasy qashqan jigitter.
Esi durys, ózine senimdi azamat eshqashan aǵymnyń esigin ashpaıdy nemese qaqpaıdy.
Ras, Hanafı mázhabyn ustanatyn jigitter de kóp. Biraq meniń bilýimshe, jat aǵymdyqtar qarmaǵyna túsiretin jandy aldaıtyn kórinedi, qyzyqtyratyn sııaqty, qatarlaryna tartý úshin eshteńeden taıynbaıtyn sııaqty.
Erterek ókinip, durys jolyn taýyp jatqandarda bar. Alaıda, beti beri qaramaıtyndar da az emes. Olardyń bári – álsizder!
Durysy, tól dinimizdiń jolymen, ata-babalarymyzdyń ósıetimen, qalyp kele jatqan tarıxı kundylyqtarymyzdy joǵaltpaı júrgen abzal. Arabtyń nemese parsynyń dástúri men sózin bizge ákelýdiń túk te keregi joq dep esepteımin jeke oz basym. Ózimizdiń túbi teren, keremet tarıxymyzdyń barynda, atadan-balaǵa kele jatqan úzilmegen, ulttyq salt-dástúrimiz ben ana sútimen kelgen, ǵajaıyp osyndaı óz ana tilimiz barynda, bizge eshkimge elikteýdiń keregi joq.
Baqtııar ARTAEV,
Olımpıada oıyndarynyń jeńimpazy
