قر ءماجىلىسىنىڭ دەپۋتاتى ەرلان سايروۆ ءوزىن قىتىمىر قىستا ءجونسىز تۇكىردى دەپ ايىپتاعان كوپشىلىككە جاۋاپ بەردى. ونىڭ ويىنشا، ءوزىن ەمەس، حالىقتىڭ بەتىنە تۇكىرىپ وتىرعان وليگارحتاردى جازالايتىن كەز جەتتى. مۇنى “ادىرنا” ۇلتتىق پورتالى حابارلادى.
- مەنىڭ قاقاعان ايازدا جەرگە "تۇكىرگەنىمدى" ءبىر جاقتى ەتتىك. ال وليگارحتاردىڭ حالىقتىڭ بەتىنە تۇكىرگەنىن نە ىستەيمىز؟ وليگارحتار حالىققا، قوعامعا، مەملەكەتكە قانشا رەت "تۇكىرىپ", ەلگە زيانىن تيگىزۋدە. ولاردىڭ حالىقتىڭ مۇڭ-مۇقتاجى مەن مەملەكەتكە راسىندا زيانىن قالاي ەسەپتەيمىز؟ ەرتەڭ ەلىمىزدىڭ جىلۋ ەنەرگەتيكا سالاسىنا قاتىستى دەپۋتاتتىق ساۋال جولدايمىن. وليگارحتار قۇبىلىس رەتىندە ساياسي، ەكونوميكالىق ارەنادان كەتۋى كەرەك! - دەدى ىندىنى قاتتى دەپۋتات.
ەسكە سالا كەتەيىك، دەپۋتات ەرلان سايروۆ تىكەلەي ەفير كەزىندە جەرگە تۇكىرىپ، بەيادەپ قىلىعى ءۇشىن كورشىلىكتىڭ اشۋىن تۋعىزعان ەدى.
“ادىرنا” ۇلتتىق پورتالى
