قازىرگى قوعامدا كاسىبي جانە تەحنيكالىق ماماندىقتاردى ەڭبەك نارىعىنىڭ سۇرانىسىنا قاراي بەيىمدەۋ ماسەلەسى ءجيى قوزعالادى. بۇل جونىندە مەملەكەت باسشىسى قاسىم-جومارت توقاەۆتىڭ بيىلعى جولداۋىندا كەڭىرەك ايتىلدى. وسى تاقىرىپ اياسىندا م.اۋەزوۆ اتىنداعى وڭتۇستىك قازاقستان ۋنيۆەرسيتەتىندە «ەل ەكونوميكاسىنا كاسىبي جانە تەحنيكالىق مامانداردى دايارلاۋداعى وقۋ ورىندارىنىڭ ءرولى» اتتى عىلىمي-پراكتيكالىق كونفەرەنتسيا ءوتتى.
باس قوسۋعا مەملەكەت جانە قوعام قايراتكەرى ساتقانباەۆ ەركىن تۇرنيازۇلى، م.اۋەزوۆ اتىنداعى وقمۋ-دىڭ الەۋمەتتىك-تاربيە جۇمىسى جونىندەگى پرورەكتورى، فيلوسوفيا عىلىمدارىنىڭ كانديداتى، ساياساتتانۋشى ماجىنبەكوۆ ساكەن ارالبايۇلى جانە وقۋ ورنىنىڭ ستۋدەنتتەرى مەن وقىتۋشىلارى قاتىستى. اتالعان ءىس-شارانىڭ ماقساتى – «ەل ەكونوميكاسىنا كاسىبي جانە تەحنيكالىق مامانداردى دايارلاۋداعى وقۋ ورىندارىنىڭ ءرولى» اتتى تۇسىندىرمە جۇمىسىن جۇرگىزىپ، پىكىر الماسۋ.
- قازىرگى تاڭدا جاستارعا ماماندىق تاڭداۋدا دۇرىس باعىت-باعدار بەرۋدىڭ ماڭىزدىلىعى وتە زور. جوعارى نەمەسە ورتا ءبىلىم بەرەتىن وقۋ ورنىن بىتىرسە، ول جاس ءبىر ماماندىقتىڭ يەسى اتانادى. بىراق، ول تاڭداعان ماماندىق قوعامنىڭ سۇراناسىنا جاۋاپ بەرە الا ما؟ قازىر تۇرمىستىق سالادا قاجەتتى ەلەكتريك، سانتەحنيك، توكار، اۆتوەلەكتريك دەگەن ماماندىقتار تاپشى. بۇل ماماندىقتاردى جاستار 9-سىنىپتى بىتىرگەننەن كەيىن كاسىپتىك-تەحنيكالىق كوللەدجدەردە مەڭگەرىپ شىعادى. سوندىقتان وسى ماسەلەنى كەڭىنەن دامىتىپ، ءتۇسىندىرۋ جۇمىستارىن جۇرگىزۋ قاجەت. ءيا، راس بولاشاق جاستاردىڭ قولىندا. دەگەنمەن، قازىر جاستارعا بارلىق مۇمكىندىك بار. تەك دۇرىس باعىت باعدار بەرۋ كەرەك،- دەيدى ەركىن ساتقانباەۆ.
مەملەكەت باسشىسى ەلىمىزدەگى وسى باعىتتا ءبىلىم بەرەتىن وقۋ ورىندارىنىڭ جاڭا ەكونوميكالىق باعداردىڭ مىندەتتەرىنە ساي بولۋ قاجەتتىگىن باسا ايتتى. بۇل رەتتە م.اۋەزوۆ اتىنداعى وقۋ دامىعان ءبىلىم بەرۋ جانە زەرتتەۋ ينفراقۇرىلىمى بار كوپ ءپروفيلدى جوعارى وقۋ ورنى. مامان دايارلاۋدا ماتەريالدىق-تەحنيكالىق بازاسى مەن وقىتۋشىلار قۇرامى جەتكىلىكتى. بۇگىندە اتالعان وقۋ ورنى ەلىمىزدەگى ۇزدىك جوو تىزىمىنە ەنەدى.
- «ەل ەكونوميكاسىنا كاسىبي جانە تەحنيكالىق مامانداردى دايارلاۋداعى وقۋ ورىندارىنىڭ ءرولى» اتتى تۇسىندىرمە جۇمىستارىن جۇرگىزۋ ۇلكەن ءرول اتقارادى. وسى جوبا اياسىندا كوپتەگەن ءىس-شارالار ىسكە اسىپ جاتىر. سولاردىڭ ءبىرى جانە باستاماسى بۇگىنگى كونفەرەنتسيا. كاسىبي-تەحنيكالىق ماماندىقتار تاپشى بولعاندىقتان وسى سالانى تەرەڭىنەن وقىتىپ، مىقتى مامان يەسى ەتىپ شىعارۋ كەرەك. سوندا حالىققا دا قوعامعا دا ءوز ۇلەستەرى تيەدى ،- دەيدى م.اۋەزوۆ اتىنداعى وقمۋ-دىڭ الەۋمەتتىك-تاربيە جۇمىسى جونىندەگى پرورەكتورى، فيلوسوفيا عىلىمدارىنىڭ كانديداتى، ساياساتتانۋشى ساكەن ماجىنبەكوۆ.
كونفرەنتسيا سوڭىندا قاتىسۋشىلار جيىن اياسىندا كوتەرىلگەن ماسەلەلەر توڭىرەگىندە سپيكەرلەرگە سۇراقتارىن قويىپ، جاۋاپ الدى.
