شىمكەنت قالاسىندا العاش رەت جاستار رەسۋرستىق ورتالىعىنىڭ ۇيىمداستىرۋىمەن،«Sport Villa» ويىن-ساۋىق كەشەنى جانە «Rafe» رەستوران باسشىسىنىڭ قولداۋىمەن كارتينگ سپورتتىق جارىسى «Jas Team Kart» جوباسى اياسىندا ءوتتى.
«Sport Villa» ويىن-ساۋىق كەشەنىندە وتكەن تۋرنيرگە جوعارى وقۋ ورىندارىنان 35 قاتىسۋشى جينالدى.
بۇگىنگى وتكەن كارتينگ سپورتتىق جارىسىنا 7 كوماندا ءوزارا سايىسقا ءتۇستى. ويىننىڭ شارتى بويىنشا قاتىسۋشىلار 3 اينالىمدى ەڭسەرىپ، 5 مينۋتتا مارەگە جەتۋ كەرەك.
— بۇگىنگى كارتينگ سپورتتىق جارىسىنا وقمپۋ ستۋدەنتتەرىنىڭ اراسىنان كوماندا جاساقتاپ كەلگەن بولاتىنبىز. وسىنداي كەرەمەت جارىسقا ءبىرىنشى رەت قاتىسىپ، سايىسقا تۇستىك. ويىن بارىسىندا جاڭا ورتا تاۋىپ، سپورت سالاسىنا ءوز ۇلەسىمىزدى قوستىق دەپ ويلايمىن. تارتىستى ويىنعا قاتىسۋىمىزعا مۇمكىندىك بەرگەن جاستار رەسۋرستىق ورتالىعىنا ستۋدەنتتەردىڭ اتىنان العىس ايتامىن، – دەدى وقمپۋ ستۋدەنتى باقبەرگەن مۇراتۇلى.
جارىس جولىندا تارتىستى ويىن كورسەتكەن شەبەرلەر ورتالىق باسشىسى م.يساحوۆتىڭ ارنايى ديپلوم جانە كۋبوكتارىمەن، قالعان قاتىسۋشىلارعا قاتىسقانى ءۇشىن ارنايى العىس حاتتارمەن ماراپاتتالدى.
بۇگىنگى جارىستا ءبىرىنشى بولىپ مارەگە جەتكەن ونتۇستىك قازاقستان مەملەكەتتىك پەداگوگيكالىق ۋنيۆەرسيتەتىنىڭ ستۋدەنتتەرى.
ەكىنشى ورىندى م.اۋەزوۆ اتىنداعى وڭتۇستىك قازاقستان ۋنيۆەرسيتەتى جاستارى يەلەنسە، ءۇشىنشى ورىنعا ج.تاشەنەۆ اتىنداعى ۋنيۆەرسيتەت ۋنيۆەرسيتەتىنىڭ ستۋدەنتتەرى يەلەندى.
جىگەرلى جاستار كارتينگ سپورتىنان جارىسقا ءتۇستى
18.10.2022
696
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз